פסוקים על Salvation

פי יספר צדקתך כל היום תשועתך כי לא ידעתי ספרות׃

הראנו יהוה חסדך וישעך תתן לנו׃

¶ לכו נרננה ליהוה נריעה לצור ישענו׃

שירו ליהוה ברכו שמו בשרו מיום ליום ישועתו׃

זכרני יהוה ברצון עמך פקדני בישועתך׃

מה אשיב ליהוה כל תגמולוהי עלי׃

כוס ישועות אשא ובשם יהוה אקרא׃

ויבאני חסדך יהוה תשועתך כאמרתך׃

כלתה לתשועתך נפשי לדברך יחלתי׃

עיני כלו לישועתך ולאמרת צדקך׃

רחוק מרשעים ישועה כי חקיך לא דרשו׃

תאבתי לישועתך יהוה ותורתך שעשעי׃

וכהניה אלביש ישע וחסידיה רנן ירננו׃

כי רוצה יהוה בעמו יפאר ענוים בישועה׃

הנה אל ישועתי אבטח ולא אפחד כי עזי וזמרת יה יהוה ויהי לי לישועה׃

ושאבתם מים בששון ממעיני הישועה׃

ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו׃

¶ ביום ההוא יושר השיר הזה בארץ יהודה עיר עז לנו ישועה ישית חומות וחל׃

אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישעכם׃

ישראל נושע ביהוה תשועת עולמים לא תבשו ולא תכלמו עד עולמי עד׃

הקבצו ובאו התנגשו יחדו פליטי הגוים לא ידעו הנשאים את עץ פסלם ומתפללים אל אל לא יושיע׃

הגידו והגישו אף יועצו יחדו מי השמיע זאת מקדם מאז הגידה הלוא אני יהוה ואין עוד אלהים מבלעדי אל צדיק ומושיע אין זולתי׃

פנו אלי והושעו כל אפסי ארץ כי אני אל ואין עוד׃

ויאמר נקל מהיותך לי עבד להקים את שבטי יעקב ונצירי ישראל להשיב ונתתיך לאור גוים להיות ישועתי עד קצה הארץ׃

כה אמר יהוה בעת רצון עניתיך וביום ישועה עזרתיך ואצרך ואתנך לברית עם להקים ארץ להנחיל נחלות שממות׃