פסוקים על Prophets

655 פסוקים · 128 היבטים

פסוקי מפתח

סינון לפי ספר
  1. יִרְמְיָהוּ א׳:ח׳

    אל תירא מפניהם כי אתך אני להצלך נאם יהוה׃

  2. יִרְמְיָהוּ א׳:ט׳

    וישלח יהוה את ידו ויגע על פי ויאמר יהוה אלי הנה נתתי דברי בפיך׃

  3. יִרְמְיָהוּ א׳:י׳

    ראה הפקדתיך היום הזה על הגוים ועל הממלכות לנתוש ולנתוץ ולהאביד ולהרוס לבנות ולנטוע׃

  4. יִרְמְיָהוּ ב׳:א׳

    ¶ ויהי דבר יהוה אלי לאמר׃

  5. יִרְמְיָהוּ ב׳:ל׳

    לשוא הכיתי את בניכם מוסר לא לקחו אכלה חרבכם נביאיכם כאריה משחית׃

  6. יִרְמְיָהוּ ז׳:א׳

    ¶ הדבר אשר היה אל ירמיהו מאת יהוה לאמר׃

  7. יִרְמְיָהוּ ז׳:ב׳

    עמד בשער בית יהוה וקראת שם את הדבר הזה ואמרת שמעו דבר יהוה כל יהודה הבאים בשערים האלה להשתחות ליהוה׃

  8. יִרְמְיָהוּ ז׳:כ״ה

    למן היום אשר יצאו אבותיכם מארץ מצרים עד היום הזה ואשלח אליכם את כל עבדי הנביאים יום השכם ושלח׃

  9. יִרְמְיָהוּ ט׳:א׳

    ¶ מי יתן ראשי מים ועיני מקור דמעה ואבכה יומם ולילה את חללי בת עמי׃

  10. יִרְמְיָהוּ ט׳:ב׳

    מי יתנני במדבר מלון ארחים ואעזבה את עמי ואלכה מאתם כי כלם מנאפים עצרת בגדים׃

  11. יִרְמְיָהוּ ט׳:ג׳

    וידרכו את לשונם קשתם שקר ולא לאמונה גברו בארץ כי מרעה אל רעה יצאו ואתי לא ידעו נאם יהוה׃

  12. יִרְמְיָהוּ ט׳:ד׳

    איש מרעהו השמרו ועל כל אח אל תבטחו כי כל אח עקוב יעקב וכל רע רכיל יהלך׃

  13. יִרְמְיָהוּ ט׳:ה׳

    ואיש ברעהו יהתלו ואמת לא ידברו למדו לשונם דבר שקר העוה נלאו׃

  14. יִרְמְיָהוּ ט׳:ו׳

    שבתך בתוך מרמה במרמה מאנו דעת אותי נאם יהוה׃

  15. יִרְמְיָהוּ ט׳:ז׳

    לכן כה אמר יהוה צבאות הנני צורפם ובחנתים כי איך אעשה מפני בת עמי׃

  16. יִרְמְיָהוּ י״א:א׳

    ¶ הדבר אשר היה אל ירמיהו מאת יהוה לאמר׃

  17. יִרְמְיָהוּ י״א:ו׳

    ויאמר יהוה אלי קרא את כל הדברים האלה בערי יהודה ובחצות ירושלם לאמר שמעו את דברי הברית הזאת ועשיתם אותם׃

  18. יִרְמְיָהוּ י״א:י״ח

    ויהוה הודיעני ואדעה אז הראיתני מעלליהם׃

  19. יִרְמְיָהוּ י״ג:א׳

    ¶ כה אמר יהוה אלי הלוך וקנית לך אזור פשתים ושמתו על מתניך ובמים לא תבאהו׃

  20. יִרְמְיָהוּ י״ג:ב׳

    ואקנה את האזור כדבר יהוה ואשם על מתני׃

  21. יִרְמְיָהוּ י״ג:ג׳

    ויהי דבר יהוה אלי שנית לאמר׃

  22. יִרְמְיָהוּ ט״ז:א׳

    ¶ ויהי דבר יהוה אלי לאמר׃

  23. יִרְמְיָהוּ י״ח:א׳

    ¶ הדבר אשר היה אל ירמיהו מאת יהוה לאמר׃

  24. יִרְמְיָהוּ י״ט:א׳

    ¶ כה אמר יהוה הלוך וקנית בקבק יוצר חרש ומזקני העם ומזקני הכהנים׃

  25. יִרְמְיָהוּ י״ט:י׳

    ושברת הבקבק לעיני האנשים ההלכים אותך׃