פסוקים על Praise

490 פסוקים · 106 היבטים

פסוקי מפתח

סינון לפי ספר
  1. תְהִלִּים קמ״ט:ו׳

    רוממות אל בגרונם וחרב פיפיות בידם׃

  2. תְהִלִּים קמ״ט:ז׳

    לעשות נקמה בגוים תוכחת בל אמים׃

  3. תְהִלִּים קמ״ט:ח׳

    לאסר מלכיהם בזקים ונכבדיהם בכבלי ברזל׃

  4. תְהִלִּים קמ״ט:ט׳

    לעשות בהם משפט כתוב הדר הוא לכל חסידיו הללו יה׃

  5. תְהִלִּים ק״נ:א׳

    ¶ הללו יה הללו אל בקדשו הללוהו ברקיע עזו׃

  6. תְהִלִּים ק״נ:ב׳

    הללוהו בגבורתיו הללוהו כרב גדלו׃

  7. תְהִלִּים ק״נ:ג׳

    הללוהו בתקע שופר הללוהו בנבל וכנור׃

  8. תְהִלִּים ק״נ:ד׳

    הללוהו בתף ומחול הללוהו במנים ועוגב׃

  9. תְהִלִּים ק״נ:ה׳

    הללוהו בצלצלי שמע הללוהו בצלצלי תרועה׃

  10. תְהִלִּים ק״נ:ו׳

    כל הנשמה תהלל יה הללו יה׃

  11. יְשַׁעְיָהוּ ו׳:ג׳

    וקרא זה אל זה ואמר קדוש קדוש קדוש יהוה צבאות מלא כל הארץ כבודו׃

  12. יְשַׁעְיָהוּ י״ב:א׳

    ¶ ואמרת ביום ההוא אודך יהוה כי אנפת בי ישב אפך ותנחמני׃

  13. יְשַׁעְיָהוּ י״ב:ב׳

    הנה אל ישועתי אבטח ולא אפחד כי עזי וזמרת יה יהוה ויהי לי לישועה׃

  14. יְשַׁעְיָהוּ י״ב:ג׳

    ושאבתם מים בששון ממעיני הישועה׃

  15. יְשַׁעְיָהוּ י״ב:ד׳

    ואמרתם ביום ההוא הודו ליהוה קראו בשמו הודיעו בעמים עלילתיו הזכירו כי נשגב שמו׃

  16. יְשַׁעְיָהוּ י״ב:ה׳

    זמרו יהוה כי גאות עשה מידעת זאת בכל הארץ׃

  17. יְשַׁעְיָהוּ י״ב:ו׳

    צהלי ורני יושבת ציון כי גדול בקרבך קדוש ישראל׃

  18. יְשַׁעְיָהוּ כ״ד:י״ד

    המה ישאו קולם ירנו בגאון יהוה צהלו מים׃

  19. יְשַׁעְיָהוּ כ״ד:ט״ו

    על כן בארים כבדו יהוה באיי הים שם יהוה אלהי ישראל׃

  20. יְשַׁעְיָהוּ כ״ד:ט״ז

    מכנף הארץ זמרת שמענו צבי לצדיק ואמר רזי לי רזי לי אוי לי בגדים בגדו ובגד בוגדים בגדו׃

  21. יְשַׁעְיָהוּ כ״ה:א׳

    ¶ יהוה אלהי אתה ארוממך אודה שמך כי עשית פלא עצות מרחוק אמונה אמן׃

  22. יְשַׁעְיָהוּ ל״ה:י׳

    ופדויי יהוה ישבון ובאו ציון ברנה ושמחת עולם על ראשם ששון ושמחה ישיגו ונסו יגון ואנחה׃

  23. יְשַׁעְיָהוּ ל״ח:י״ח

    כי לא שאול תודך מות יהללך לא ישברו יורדי בור אל אמתך׃

  24. יְשַׁעְיָהוּ ל״ח:י״ט

    חי חי הוא יודך כמוני היום אב לבנים יודיע אל אמתך׃

  25. יְשַׁעְיָהוּ מ״ב:י׳

    שירו ליהוה שיר חדש תהלתו מקצה הארץ יורדי הים ומלאו איים וישביהם׃