פסוקים על Paul

619 פסוקים · 103 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים כ׳:ל״ז

    ויבכו כלם בכי גדול ויפלו על צוארי פולוס וינשקו לו׃

  2. מַעֲשֵׂי הַשְּׁלִיחִים כ׳:ל״ח

    וביותר התעצבו על הדבר אשר דבר כי לא יוסיפו עוד לראות פניו וילוהו אל האניה׃

  3. מַעֲשֵׂי הַשְּׁלִיחִים כ״א:א׳

    ¶ ויהי כאשר נפרדנו מהם ונרד באניה ונבוא דרך ישרה אל קוס וממחרת אל רודוס ומשם אל פטרה׃

  4. מַעֲשֵׂי הַשְּׁלִיחִים כ״א:ב׳

    שם מצאנו אניה עברת אל פינוקיא ונרד בה ונעבר׃

  5. מַעֲשֵׂי הַשְּׁלִיחִים כ״א:ג׳

    ונרא את פני קפרוס ונעזבנה לשמאל ונעבר אל סוריא ונגיע אל צור כי שמה יוציאו את מעמסת האניה׃

  6. מַעֲשֵׂי הַשְּׁלִיחִים כ״א:ד׳

    ונמצא את התלמידים ונשב שם שבעת ימים והם אמרו אל פולוס על פי הרוח לבלתי עלות ירושלים׃

  7. מַעֲשֵׂי הַשְּׁלִיחִים כ״א:ה׳

    ויהי אחרי מלאת לנו הימים האלה ונצא ללכת לדרכנו וילוו אתנו כלם עם נשיהם ועם טפם עד מחוץ לעיר ונכרע על ברכינו על חוף הים ונתפלל׃

  8. מַעֲשֵׂי הַשְּׁלִיחִים כ״א:ו׳

    ונברך איש את רעהו ונעל אל האניה והמה שבו איש לביתו׃

  9. מַעֲשֵׂי הַשְּׁלִיחִים כ״א:ז׳

    ואנחנו כלינו את דרך הים ונרד מצור אל עכו ונשאל לשלום האחים ונשב אתם יום אחד׃

  10. מַעֲשֵׂי הַשְּׁלִיחִים כ״א:ח׳

    וממחרת נסענו פולוס ואשר אתו ונבא אל קסרין ונלך אל בית פילפוס המבשר אשר הוא אחד מן השבעה ונשב עמו׃

  11. מַעֲשֵׂי הַשְּׁלִיחִים כ״א:ט׳

    ולו היו ארבע בנות בתולות מתנבאות׃

  12. מַעֲשֵׂי הַשְּׁלִיחִים כ״א:י׳

    ויהי בהיותנו שם ימים רבים וירד נביא אחד מיהודה ושמו אגבוס׃

  13. מַעֲשֵׂי הַשְּׁלִיחִים כ״א:י״א

    ויבא אצלנו ויקח את אזור פולוס ויאסר בו את ידיו ואת רגליו ויאמר כה אמר רוח הקדש ככה יאסרו היהודים בירושלים את האיש אשר לו האזור הזה ויסגירהו בידי הגוים׃

  14. מַעֲשֵׂי הַשְּׁלִיחִים כ״א:י״ב

    ויהי כאשר שמענו את זאת ונבקש ממנו אנחנו ואנשי המקום אשר לא יעלה ירושלים׃

  15. מַעֲשֵׂי הַשְּׁלִיחִים כ״א:י״ג

    ויען פולוס ויאמר מה לכם אשר תבכו ותשברו לבבי כי נכון אנכי לא לבד להאסר כי גם למות בירושלים על שם ישוע האדון׃

  16. מַעֲשֵׂי הַשְּׁלִיחִים כ״א:י״ד

    ולא אבה שמע ונרף ממנו לאמר רצון יהוה יעשה׃

  17. מַעֲשֵׂי הַשְּׁלִיחִים כ״א:ט״ו

    ואחרי הימים האלה נשאנו את כלינו ונעל ירושלים׃

  18. מַעֲשֵׂי הַשְּׁלִיחִים כ״א:י״ז

    ויהי כבאנו ירושלים ויקבלו אתנו האחים בשמחה׃

  19. מַעֲשֵׂי הַשְּׁלִיחִים כ״א:י״ח

    וממחרת היום נכנס פולוס עמנו אל יעקב ויבאו שמה כל הזקנים׃

  20. מַעֲשֵׂי הַשְּׁלִיחִים כ״א:י״ט

    וישאלם לשלום ויספר אחת לאחת את אשר עשה האלהים לגוים בשרותו׃

  21. מַעֲשֵׂי הַשְּׁלִיחִים כ״א:כ׳

    וישמעו ויהללו את האלהים ויאמרו אליו הנך ראה אחינו כמה רבבות יהודים באו להאמין וכלם מקנאים לתורה׃

  22. מַעֲשֵׂי הַשְּׁלִיחִים כ״א:כ״א

    והם שמעו עליך שמועה כי תלמד את כל היהודים אשר בקרב הגוים לסור ממשה באמרך כי אין עליהם למול את בניהם וללכת בחקות התורה׃

  23. מַעֲשֵׂי הַשְּׁלִיחִים כ״א:כ״ב

    ועתה מה לעשות הנה האסף יאסף המון העם כי ישמעו כי באת׃

  24. מַעֲשֵׂי הַשְּׁלִיחִים כ״א:כ״ג

    לכן עשה זאת אפוא אשר נאמר אליך׃

  25. מַעֲשֵׂי הַשְּׁלִיחִים כ״א:כ״ד

    הנה יש אתנו ארבעה אנשים אשר נדר עליהם אתם קח לך והטהר אתם ושלם ההוצאות בעדם למען אשר יגלחו את ראשם וידעו כלם כי שמועת שוא שמעו עליך וכי אתה בעצמך מתהלך בחקות התורה׃