פסוקים על Paul

619 פסוקים · 103 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים כ״ב:י׳

    ואמר מה אעשה אדני ויאמר אלי האדון קום לך אל דמשק ושם יאמר לך את כל אשר צוית לעשות׃

  2. מַעֲשֵׂי הַשְּׁלִיחִים כ״ב:י״א

    ואני לא יכלתי לראות מפני זהר האור ההוא והאנשים אשר אתי הוליכוני ביד ואבא לדמשק׃

  3. מַעֲשֵׂי הַשְּׁלִיחִים כ״ב:י״ב

    ואיש חסיד כפי התורה ושמו חנניה אשר קנה לו שם טוב בקרב כל היהודים הישבים שם׃

  4. מַעֲשֵׂי הַשְּׁלִיחִים כ״ב:י״ג

    ויבא אלי ויעמד ויאמר אלי שאול אחי שוב ראה ובשעה ההיא נפקחו עיני וראיתיהו׃

  5. מַעֲשֵׂי הַשְּׁלִיחִים כ״ב:י״ד

    ויאמר אלהי אבותינו בחר בך לדעת את רצונו ולראות את הצדיק ולשמע קול מפיהו׃

  6. מַעֲשֵׂי הַשְּׁלִיחִים כ״ב:ט״ו

    כי היו תהיה לו לעד אל כל בני האדם על כל אשר ראית ושמעת׃

  7. מַעֲשֵׂי הַשְּׁלִיחִים כ״ב:ט״ז

    ועתה למה תתמהמה קום והטבל והתרחץ מחטאתיך בקראך בשמו׃

  8. מַעֲשֵׂי הַשְּׁלִיחִים כ״ב:י״ז

    ויהי בשובי אל ירושלים ואתפלל במקדש ותהי עלי יד יהוה׃

  9. מַעֲשֵׂי הַשְּׁלִיחִים כ״ב:י״ח

    וארא אותו מדבר אלי חושה צא במהרה מירושלים כי לא יקבלו את עדותך עלי׃

  10. מַעֲשֵׂי הַשְּׁלִיחִים כ״ב:י״ט

    ואמר הלא הם יודעים את אשר השלכתי אל הכלא והלקיתי בבתי הכנסיות את המאמינים בך׃

  11. מַעֲשֵׂי הַשְּׁלִיחִים כ״ב:כ׳

    ובהשפך דם אסטפנוס עדך אף אני עמדתי שם חפץ בהרגתו ושומר את בגדי הרגיו׃

  12. מַעֲשֵׂי הַשְּׁלִיחִים כ״ב:כ״א

    ויאמר אלי לך כי אני אל הגיום עד למרחוק אשלחך׃

  13. מַעֲשֵׂי הַשְּׁלִיחִים כ״ב:כ״ב

    וישמעו אליו עד הדבר הזה וישאו את קולם ויאמרו הסירו איש כזה מעל האדמה כי איננו ראוי כי יחיה׃

  14. מַעֲשֵׂי הַשְּׁלִיחִים כ״ב:כ״ג

    ויהי בהיותם צעקים ומשליכים את בגדיהם מעליהם וזרקים עפר השמימה׃

  15. מַעֲשֵׂי הַשְּׁלִיחִים כ״ב:כ״ד

    ויצו שר האלף להוליכו אל המצד ויאמר לבדקו במלקות למען ידע מדוע המה ככה צעקים עליו׃

  16. מַעֲשֵׂי הַשְּׁלִיחִים כ״ב:כ״ה

    ויהי כאשר אסר להכותו ברצועות ויאמר אל שר המאה העמד עליו האף רשיון לכם להכות איש רומי בלא דין ומשפט׃

  17. מַעֲשֵׂי הַשְּׁלִיחִים כ״ב:כ״ו

    וילך שר המאה כשמעו את הדבר הזה ויגד לשר האלף לאמר ראה מה תעשה כי האיש הזה רומי הוא׃

  18. מַעֲשֵׂי הַשְּׁלִיחִים כ״ב:כ״ז

    ויבא שר האלף ויאמר אמר לי הרומי אתה ויאמר הן׃

  19. מַעֲשֵׂי הַשְּׁלִיחִים כ״ב:כ״ח

    ויען שר האלף אני בכסף רב קניתי לי משפט האזרחות הזאת ויאמר פולוס ואני אף נולדתי בה׃

  20. מַעֲשֵׂי הַשְּׁלִיחִים כ״ב:כ״ט

    אז הרפו ממנו האנשים אשר באו לבדקו וגם שר האלף ירא בדעתו כי רומי הוא והוא אסר אותו׃

  21. מַעֲשֵׂי הַשְּׁלִיחִים כ״ב:ל׳

    וממחרת בקש לדעת אל נכון על מה שטנים אותו היהודים ויתר מוסרותיו ויצו להביא את ראשי הכהנים ואת כל הסנהדרין ויורד את פולוס ויעמידהו בתוכם׃

  22. מַעֲשֵׂי הַשְּׁלִיחִים כ״ג:א׳

    ¶ ויבט פולוס אל הסנהדרין ויאמר אנשים אחים בכל תמת לבבי התהלכתי לפני אלהים עד היום הזה׃

  23. מַעֲשֵׂי הַשְּׁלִיחִים כ״ג:ב׳

    ויצו חנניה הכהן הגדול את העמדים עליו להכותו על פיו׃

  24. מַעֲשֵׂי הַשְּׁלִיחִים כ״ג:ג׳

    ויאמר אליו פולוס יככה אלהים הקיר המסיד האמנם ישב אתה לדין אתי כתורה ואתה מצוה להכותי שלא כתורה׃

  25. מַעֲשֵׂי הַשְּׁלִיחִים כ״ג:ד׳

    ויאמרו העמדים שם את הכהן הגדול לאלהים תחרף׃