פסוקים על Oaths

94 פסוקים · 41 היבטים

פסוקי מפתח

סינון לפי ספר
  1. יְהוֹשֻעַ ט׳:ט״ז

    ויהי מקצה שלשת ימים אחרי אשר כרתו להם ברית וישמעו כי קרבים הם אליו ובקרבו הם ישבים׃

  2. יְהוֹשֻעַ ט׳:י״ט

    ויאמרו כל הנשיאים אל כל העדה אנחנו נשבענו להם ביהוה אלהי ישראל ועתה לא נוכל לנגע בהם׃

  3. יְהוֹשֻעַ ט׳:כ׳

    זאת נעשה להם והחיה אותם ולא יהיה עלינו קצף על השבועה אשר נשבענו להם׃

  4. יְהוֹשֻעַ כ״ג:ז׳

    לבלתי בוא בגוים האלה הנשארים האלה אתכם ובשם אלהיהם לא תזכירו ולא תשביעו ולא תעבדום ולא תשתחוו להם׃

  5. שֹׁפְטִים ח׳:י״ט

    ויאמר אחי בני אמי הם חי יהוה לו החיתם אותם לא הרגתי אתכם׃

  6. שֹׁפְטִים י״א:ל׳

    וידר יפתח נדר ליהוה ויאמר אם נתון תתן את בני עמון בידי׃

  7. שֹׁפְטִים י״א:ל״א

    והיה היוצא אשר יצא מדלתי ביתי לקראתי בשובי בשלום מבני עמון והיה ליהוה והעליתהו עולה׃

  8. שֹׁפְטִים י״א:ל״ב

    ויעבר יפתח אל בני עמון להלחם בם ויתנם יהוה בידו׃

  9. שֹׁפְטִים י״א:ל״ג

    ויכם מערוער ועד בואך מנית עשרים עיר ועד אבל כרמים מכה גדולה מאד ויכנעו בני עמון מפני בני ישראל׃

  10. שֹׁפְטִים י״א:ל״ד

    ויבא יפתח המצפה אל ביתו והנה בתו יצאת לקראתו בתפים ובמחלות ורק היא יחידה אין לו ממנו בן או בת׃

  11. שֹׁפְטִים י״א:ל״ה

    ויהי כראותו אותה ויקרע את בגדיו ויאמר אהה בתי הכרע הכרעתני ואת היית בעכרי ואנכי פציתי פי אל יהוה ולא אוכל לשוב׃

  12. שֹׁפְטִים י״א:ל״ו

    ותאמר אליו אבי פציתה את פיך אל יהוה עשה לי כאשר יצא מפיך אחרי אשר עשה לך יהוה נקמות מאיביך מבני עמון׃

  13. שֹׁפְטִים כ״א:ז׳

    מה נעשה להם לנותרים לנשים ואנחנו נשבענו ביהוה לבלתי תת להם מבנותינו לנשים׃

  14. רוּת א׳:י״ז

    באשר תמותי אמות ושם אקבר כה יעשה יהוה לי וכה יסיף כי המות יפריד ביני ובינך׃

  15. רוּת ג׳:י״ג

    ליני הלילה והיה בבקר אם יגאלך טוב יגאל ואם לא יחפץ לגאלך וגאלתיך אנכי חי יהוה שכבי עד הבקר׃

  16. 1 שְׁמוּאֵל א׳:כ״ו

    ותאמר בי אדני חי נפשך אדני אני האשה הנצבת עמכה בזה להתפלל אל יהוה׃

  17. 1 שְׁמוּאֵל ג׳:י״ז

    ויאמר מה הדבר אשר דבר אליך אל נא תכחד ממני כה יעשה לך אלהים וכה יוסיף אם תכחד ממני דבר מכל הדבר אשר דבר אליך׃

  18. 1 שְׁמוּאֵל י״ד:כ״ז

    ויונתן לא שמע בהשביע אביו את העם וישלח את קצה המטה אשר בידו ויטבל אותה ביערת הדבש וישב ידו אל פיו ותראנה עיניו׃

  19. 1 שְׁמוּאֵל י״ד:מ״ד

    ויאמר שאול כה יעשה אלהים וכה יוסף כי מות תמות יונתן׃

  20. 1 שְׁמוּאֵל כ׳:ט״ז

    ויכרת יהונתן עם בית דוד ובקש יהוה מיד איבי דוד׃

  21. 1 שְׁמוּאֵל כ׳:י״ז

    ויוסף יהונתן להשביע את דוד באהבתו אתו כי אהבת נפשו אהבו׃

  22. 1 שְׁמוּאֵל כ״ה:כ״ו

    ועתה אדני חי יהוה וחי נפשך אשר מנעך יהוה מבוא בדמים והושע ידך לך ועתה יהיו כנבל איביך והמבקשים אל אדני רעה׃

  23. 2 שְׁמוּאֵל י״ט:ז׳

    ועתה קום צא ודבר על לב עבדיך כי ביהוה נשבעתי כי אינך יוצא אם ילין איש אתך הלילה ורעה לך זאת מכל הרעה אשר באה עליך מנעריך עד עתה׃

  24. 2 שְׁמוּאֵל כ״א:ז׳

    ויחמל המלך על מפיבשת בן יהונתן בן שאול על שבעת יהוה אשר בינתם בין דוד ובין יהונתן בן שאול׃

  25. 1 מְלָכִים ב׳:מ״ב

    וישלח המלך ויקרא לשמעי ויאמר אליו הלוא השבעתיך ביהוה ואעד בך לאמר ביום צאתך והלכת אנה ואנה ידע תדע כי מות תמות ותאמר אלי טוב הדבר שמעתי׃