פסוקים על Moabites

122 פסוקים · 56 היבטים

פסוקי מפתח

רוּת א׳:ד׳
וישאו להם נשים מאביות שם האחת ערפה ושם השנית רות וישבו שם כעשר שנים׃
1 שְׁמוּאֵל י״ד:מ״ז
ושאול לכד המלוכה על ישראל וילחם סביב בכל איביו במואב ובבני עמון ובאדום ובמלכי צובה ובפלשתים ובכל אשר יפנה ירשיע׃
1 שְׁמוּאֵל כ״ב:ג׳
וילך דוד משם מצפה מואב ויאמר אל מלך מואב יצא נא אבי ואמי אתכם עד אשר אדע מה יעשה לי אלהים׃
1 שְׁמוּאֵל כ״ב:ד׳
וינחם את פני מלך מואב וישבו עמו כל ימי היות דוד במצודה׃
2 שְׁמוּאֵל ח׳:ב׳
ויך את מואב וימדדם בחבל השכב אותם ארצה וימדד שני חבלים להמית ומלא החבל להחיות ותהי מואב לדוד לעבדים נשאי מנחה׃
2 שְׁמוּאֵל ח׳:י״ב
מארם וממואב ומבני עמון ומפלשתים ומעמלק ומשלל הדדעזר בן רחב מלך צובה׃
2 שְׁמוּאֵל כ״ג:כ׳
ובניהו בן יהוידע בן איש חי רב פעלים מקבצאל הוא הכה את שני אראל מואב והוא ירד והכה את האריה בתוך הבאר ביום השלג׃
1 מְלָכִים י״א:א׳
¶ והמלך שלמה אהב נשים נכריות רבות ואת בת פרעה מואביות עמניות אדמית צדנית חתית׃
1 מְלָכִים י״א:ז׳
אז יבנה שלמה במה לכמוש שקץ מואב בהר אשר על פני ירושלם ולמלך שקץ בני עמון׃
2 מְלָכִים א׳:א׳
¶ ויפשע מואב בישראל אחרי מות אחאב׃
2 מְלָכִים ג׳:ד׳
ומישע מלך מואב היה נקד והשיב למלך ישראל מאה אלף כרים ומאה אלף אילים צמר׃
2 מְלָכִים ג׳:ה׳
ויהי כמות אחאב ויפשע מלך מואב במלך ישראל׃
2 מְלָכִים ג׳:ו׳
ויצא המלך יהורם ביום ההוא משמרון ויפקד את כל ישראל׃
2 מְלָכִים ג׳:ז׳
וילך וישלח אל יהושפט מלך יהודה לאמר מלך מואב פשע בי התלך אתי אל מואב למלחמה ויאמר אעלה כמוני כמוך כעמי כעמך כסוסי כסוסיך׃
2 מְלָכִים ג׳:ח׳
ויאמר אי זה הדרך נעלה ויאמר דרך מדבר אדום׃
2 מְלָכִים ג׳:ט׳
וילך מלך ישראל ומלך יהודה ומלך אדום ויסבו דרך שבעת ימים ולא היה מים למחנה ולבהמה אשר ברגליהם׃
2 מְלָכִים ג׳:י׳
ויאמר מלך ישראל אהה כי קרא יהוה לשלשת המלכים האלה לתת אותם ביד מואב׃
2 מְלָכִים ג׳:י״א
ויאמר יהושפט האין פה נביא ליהוה ונדרשה את יהוה מאותו ויען אחד מעבדי מלך ישראל ויאמר פה אלישע בן שפט אשר יצק מים על ידי אליהו׃
2 מְלָכִים ג׳:י״ב
ויאמר יהושפט יש אותו דבר יהוה וירדו אליו מלך ישראל ויהושפט ומלך אדום׃
2 מְלָכִים ג׳:י״ג
ויאמר אלישע אל מלך ישראל מה לי ולך לך אל נביאי אביך ואל נביאי אמך ויאמר לו מלך ישראל אל כי קרא יהוה לשלשת המלכים האלה לתת אותם ביד מואב׃
2 מְלָכִים ג׳:י״ד
ויאמר אלישע חי יהוה צבאות אשר עמדתי לפניו כי לולי פני יהושפט מלך יהודה אני נשא אם אביט אליך ואם אראך׃
2 מְלָכִים ג׳:ט״ו
ועתה קחו לי מנגן והיה כנגן המנגן ותהי עליו יד יהוה׃
2 מְלָכִים ג׳:ט״ז
ויאמר כה אמר יהוה עשה הנחל הזה גבים גבים׃
2 מְלָכִים ג׳:י״ז
כי כה אמר יהוה לא תראו רוח ולא תראו גשם והנחל ההוא ימלא מים ושתיתם אתם ומקניכם ובהמתכם׃
2 מְלָכִים ג׳:י״ח
ונקל זאת בעיני יהוה ונתן את מואב בידכם׃

מציג 26–50 מתוך 122 פסוקים

הקודם 1 2 3 4 5 הבא