פסוקים על Moabites: Israelites had war with

25 פסוקים · 56 היבטים

פסוקים על Israelites had war with

2 מְלָכִים ג׳:ה׳
ויהי כמות אחאב ויפשע מלך מואב במלך ישראל׃
2 מְלָכִים ג׳:ו׳
ויצא המלך יהורם ביום ההוא משמרון ויפקד את כל ישראל׃
2 מְלָכִים ג׳:ז׳
וילך וישלח אל יהושפט מלך יהודה לאמר מלך מואב פשע בי התלך אתי אל מואב למלחמה ויאמר אעלה כמוני כמוך כעמי כעמך כסוסי כסוסיך׃
2 מְלָכִים ג׳:ח׳
ויאמר אי זה הדרך נעלה ויאמר דרך מדבר אדום׃
2 מְלָכִים ג׳:ט׳
וילך מלך ישראל ומלך יהודה ומלך אדום ויסבו דרך שבעת ימים ולא היה מים למחנה ולבהמה אשר ברגליהם׃
2 מְלָכִים ג׳:י׳
ויאמר מלך ישראל אהה כי קרא יהוה לשלשת המלכים האלה לתת אותם ביד מואב׃
2 מְלָכִים ג׳:י״א
ויאמר יהושפט האין פה נביא ליהוה ונדרשה את יהוה מאותו ויען אחד מעבדי מלך ישראל ויאמר פה אלישע בן שפט אשר יצק מים על ידי אליהו׃
2 מְלָכִים ג׳:י״ב
ויאמר יהושפט יש אותו דבר יהוה וירדו אליו מלך ישראל ויהושפט ומלך אדום׃
2 מְלָכִים ג׳:י״ג
ויאמר אלישע אל מלך ישראל מה לי ולך לך אל נביאי אביך ואל נביאי אמך ויאמר לו מלך ישראל אל כי קרא יהוה לשלשת המלכים האלה לתת אותם ביד מואב׃
2 מְלָכִים ג׳:י״ד
ויאמר אלישע חי יהוה צבאות אשר עמדתי לפניו כי לולי פני יהושפט מלך יהודה אני נשא אם אביט אליך ואם אראך׃
2 מְלָכִים ג׳:ט״ו
ועתה קחו לי מנגן והיה כנגן המנגן ותהי עליו יד יהוה׃
2 מְלָכִים ג׳:ט״ז
ויאמר כה אמר יהוה עשה הנחל הזה גבים גבים׃
2 מְלָכִים ג׳:י״ז
כי כה אמר יהוה לא תראו רוח ולא תראו גשם והנחל ההוא ימלא מים ושתיתם אתם ומקניכם ובהמתכם׃
2 מְלָכִים ג׳:י״ח
ונקל זאת בעיני יהוה ונתן את מואב בידכם׃
2 מְלָכִים ג׳:י״ט
והכיתם כל עיר מבצר וכל עיר מבחור וכל עץ טוב תפילו וכל מעיני מים תסתמו וכל החלקה הטובה תכאבו באבנים׃
2 מְלָכִים ג׳:כ׳
ויהי בבקר כעלות המנחה והנה מים באים מדרך אדום ותמלא הארץ את המים׃
2 מְלָכִים ג׳:כ״א
וכל מואב שמעו כי עלו המלכים להלחם בם ויצעקו מכל חגר חגרה ומעלה ויעמדו על הגבול׃
2 מְלָכִים ג׳:כ״ב
וישכימו בבקר והשמש זרחה על המים ויראו מואב מנגד את המים אדמים כדם׃
2 מְלָכִים ג׳:כ״ג
ויאמרו דם זה החרב נחרבו המלכים ויכו איש את רעהו ועתה לשלל מואב׃
2 מְלָכִים ג׳:כ״ד
ויבאו אל מחנה ישראל ויקמו ישראל ויכו את מואב וינסו מפניהם ויבו בה והכות את מואב׃
2 מְלָכִים ג׳:כ״ה
והערים יהרסו וכל חלקה טובה ישליכו איש אבנו ומלאוה וכל מעין מים יסתמו וכל עץ טוב יפילו עד השאיר אבניה בקיר חרשת ויסבו הקלעים ויכוה׃
2 מְלָכִים ג׳:כ״ו
וירא מלך מואב כי חזק ממנו המלחמה ויקח אותו שבע מאות איש שלף חרב להבקיע אל מלך אדום ולא יכלו׃
2 מְלָכִים ג׳:כ״ז
ויקח את בנו הבכור אשר ימלך תחתיו ויעלהו עלה על החמה ויהי קצף גדול על ישראל ויסעו מעליו וישבו לארץ׃
2 מְלָכִים י״ג:כ׳
וימת אלישע ויקברהו וגדודי מואב יבאו בארץ בא שנה׃
2 מְלָכִים כ״ד:ב׳
וישלח יהוה בו את גדודי כשדים ואת גדודי ארם ואת גדודי מואב ואת גדודי בני עמון וישלחם ביהודה להאבידו כדבר יהוה אשר דבר ביד עבדיו הנביאים׃