פסוקים על Miracles Wrought Through Servants of God

158 פסוקים · 74 היבטים

פסוקי מפתח

סינון לפי ספר
  1. שֹׁפְטִים ז׳:י״ח

    ותקעתי בשופר אנכי וכל אשר אתי ותקעתם בשופרות גם אתם סביבות כל המחנה ואמרתם ליהוה ולגדעון׃

  2. שֹׁפְטִים ז׳:י״ט

    ויבא גדעון ומאה איש אשר אתו בקצה המחנה ראש האשמרת התיכונה אך הקם הקימו את השמרים ויתקעו בשופרות ונפוץ הכדים אשר בידם׃

  3. שֹׁפְטִים ז׳:כ׳

    ויתקעו שלשת הראשים בשופרות וישברו הכדים ויחזיקו ביד שמאולם בלפדים וביד ימינם השופרות לתקוע ויקראו חרב ליהוה ולגדעון׃

  4. שֹׁפְטִים ז׳:כ״א

    ויעמדו איש תחתיו סביב למחנה וירץ כל המחנה ויריעו ויניסו׃

  5. שֹׁפְטִים ז׳:כ״ב

    ויתקעו שלש מאות השופרות וישם יהוה את חרב איש ברעהו ובכל המחנה וינס המחנה עד בית השטה צררתה עד שפת אבל מחולה על טבת׃

  6. שֹׁפְטִים י״ד:ו׳

    ותצלח עליו רוח יהוה וישסעהו כשסע הגדי ומאומה אין בידו ולא הגיד לאביו ולאמו את אשר עשה׃

  7. שֹׁפְטִים י״ד:י״ט

    ותצלח עליו רוח יהוה וירד אשקלון ויך מהם שלשים איש ויקח את חליצותם ויתן החליפות למגידי החידה ויחר אפו ויעל בית אביהו׃

  8. שֹׁפְטִים ט״ו:ט״ו

    וימצא לחי חמור טריה וישלח ידו ויקחה ויך בה אלף איש׃

  9. שֹׁפְטִים ט״ז:ג׳

    וישכב שמשון עד חצי הלילה ויקם בחצי הלילה ויאחז בדלתות שער העיר ובשתי המזוזות ויסעם עם הבריח וישם על כתפיו ויעלם אל ראש ההר אשר על פני חברון׃

  10. שֹׁפְטִים ט״ז:ל׳

    ויאמר שמשון תמות נפשי עם פלשתים ויט בכח ויפל הבית על הסרנים ועל כל העם אשר בו ויהיו המתים אשר המית במותו רבים מאשר המית בחייו׃

  11. 1 שְׁמוּאֵל י״ב:י״ח

    ויקרא שמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שמואל׃

  12. 1 מְלָכִים י״ג:ד׳

    ויהי כשמע המלך את דבר איש האלהים אשר קרא על המזבח בבית אל וישלח ירבעם את ידו מעל המזבח לאמר תפשהו ותיבש ידו אשר שלח עליו ולא יכל להשיבה אליו׃

  13. 1 מְלָכִים י״ג:ה׳

    והמזבח נקרע וישפך הדשן מן המזבח כמופת אשר נתן איש האלהים בדבר יהוה׃

  14. 1 מְלָכִים י״ג:ו׳

    ויען המלך ויאמר אל איש האלהים חל נא את פני יהוה אלהיך והתפלל בעדי ותשב ידי אלי ויחל איש האלהים את פני יהוה ותשב יד המלך אליו ותהי כבראשנה׃

  15. 1 מְלָכִים י״ז:א׳

    ¶ ויאמר אליהו התשבי מתשבי גלעד אל אחאב חי יהוה אלהי ישראל אשר עמדתי לפניו אם יהיה השנים האלה טל ומטר כי אם לפי דברי׃

  16. 1 מְלָכִים י״ז:י״ד

    כי כה אמר יהוה אלהי ישראל כד הקמח לא תכלה וצפחת השמן לא תחסר עד יום תתן יהוה גשם על פני האדמה׃

  17. 1 מְלָכִים י״ז:ט״ו

    ותלך ותעשה כדבר אליהו ותאכל הוא והיא וביתה ימים׃

  18. 1 מְלָכִים י״ז:ט״ז

    כד הקמח לא כלתה וצפחת השמן לא חסר כדבר יהוה אשר דבר ביד אליהו׃

  19. 1 מְלָכִים י״ז:כ״ב

    וישמע יהוה בקול אליהו ותשב נפש הילד על קרבו ויחי׃

  20. 1 מְלָכִים י״ז:כ״ג

    ויקח אליהו את הילד וירדהו מן העליה הביתה ויתנהו לאמו ויאמר אליהו ראי חי בנך׃

  21. 1 מְלָכִים י״ח:ל״ו

    ויהי בעלות המנחה ויגש אליהו הנביא ויאמר יהוה אלהי אברהם יצחק וישראל היום יודע כי אתה אלהים בישראל ואני עבדך ובדבריך עשיתי את כל הדברים האלה׃

  22. 1 מְלָכִים י״ח:ל״ח

    ותפל אש יהוה ותאכל את העלה ואת העצים ואת האבנים ואת העפר ואת המים אשר בתעלה לחכה׃

  23. 1 מְלָכִים י״ח:מ״א

    ויאמר אליהו לאחאב עלה אכל ושתה כי קול המון הגשם׃

  24. 1 מְלָכִים י״ח:מ״ב

    ויעלה אחאב לאכל ולשתות ואליהו עלה אל ראש הכרמל ויגהר ארצה וישם פניו בין ברכו׃

  25. 1 מְלָכִים י״ח:מ״ג

    ויאמר אל נערו עלה נא הבט דרך ים ויעל ויבט ויאמר אין מאומה ויאמר שב שבע פעמים׃