פסוקים על Miracles Wrought Through Servants of God

158 פסוקים · 74 היבטים

פסוקי מפתח

סינון לפי ספר
  1. יְהוֹשֻעַ ג׳:י״ד

    ויהי בנסע העם מאהליהם לעבר את הירדן והכהנים נשאי הארון הברית לפני העם׃

  2. יְהוֹשֻעַ ג׳:ט״ו

    וכבוא נשאי הארון עד הירדן ורגלי הכהנים נשאי הארון נטבלו בקצה המים והירדן מלא על כל גדותיו כל ימי קציר׃

  3. יְהוֹשֻעַ ג׳:ט״ז

    ויעמדו המים הירדים מלמעלה קמו נד אחד הרחק מאד באדם העיר אשר מצד צרתן והירדים על ים הערבה ים המלח תמו נכרתו והעם עברו נגד יריחו׃

  4. יְהוֹשֻעַ ג׳:י״ז

    ויעמדו הכהנים נשאי הארון ברית יהוה בחרבה בתוך הירדן הכן וכל ישראל עברים בחרבה עד אשר תמו כל הגוי לעבר את הירדן׃

  5. יְהוֹשֻעַ ד׳:י״ח

    ויהי בעלות הכהנים נשאי ארון ברית יהוה מתוך הירדן נתקו כפות רגלי הכהנים אל החרבה וישבו מי הירדן למקומם וילכו כתמול שלשום על כל גדותיו׃

  6. יְהוֹשֻעַ ו׳:ו׳

    ויקרא יהושע בן נון אל הכהנים ויאמר אלהם שאו את ארון הברית ושבעה כהנים ישאו שבעה שופרות יובלים לפני ארון יהוה׃

  7. יְהוֹשֻעַ ו׳:ז׳

    ויאמרו אל העם עברו וסבו את העיר והחלוץ יעבר לפני ארון יהוה׃

  8. יְהוֹשֻעַ ו׳:ח׳

    ויהי כאמר יהושע אל העם ושבעה הכהנים נשאים שבעה שופרות היובלים לפני יהוה עברו ותקעו בשופרות וארון ברית יהוה הלך אחריהם׃

  9. יְהוֹשֻעַ ו׳:ט׳

    והחלוץ הלך לפני הכהנים תקעו השופרות והמאסף הלך אחרי הארון הלוך ותקוע בשופרות׃

  10. יְהוֹשֻעַ ו׳:י׳

    ואת העם צוה יהושע לאמר לא תריעו ולא תשמיעו את קולכם ולא יצא מפיכם דבר עד יום אמרי אליכם הריעו והריעתם׃

  11. יְהוֹשֻעַ ו׳:י״א

    ויסב ארון יהוה את העיר הקף פעם אחת ויבאו המחנה וילינו במחנה׃

  12. יְהוֹשֻעַ ו׳:י״ב

    וישכם יהושע בבקר וישאו הכהנים את ארון יהוה׃

  13. יְהוֹשֻעַ ו׳:י״ג

    ושבעה הכהנים נשאים שבעה שופרות היבלים לפני ארון יהוה הלכים הלוך ותקעו בשופרות והחלוץ הלך לפניהם והמאסף הלך אחרי ארון יהוה הולך ותקוע בשופרות׃

  14. יְהוֹשֻעַ ו׳:י״ד

    ויסבו את העיר ביום השני פעם אחת וישבו המחנה כה עשו ששת ימים׃

  15. יְהוֹשֻעַ ו׳:ט״ו

    ויהי ביום השביעי וישכמו כעלות השחר ויסבו את העיר כמשפט הזה שבע פעמים רק ביום ההוא סבבו את העיר שבע פעמים׃

  16. יְהוֹשֻעַ ו׳:ט״ז

    ויהי בפעם השביעית תקעו הכהנים בשופרות ויאמר יהושע אל העם הריעו כי נתן יהוה לכם את העיר׃

  17. יְהוֹשֻעַ ו׳:י״ז

    והיתה העיר חרם היא וכל אשר בה ליהוה רק רחב הזונה תחיה היא וכל אשר אתה בבית כי החבאתה את המלאכים אשר שלחנו׃

  18. יְהוֹשֻעַ ו׳:י״ח

    ורק אתם שמרו מן החרם פן תחרימו ולקחתם מן החרם ושמתם את מחנה ישראל לחרם ועכרתם אותו׃

  19. יְהוֹשֻעַ ו׳:י״ט

    וכל כסף וזהב וכלי נחשת וברזל קדש הוא ליהוה אוצר יהוה יבוא׃

  20. יְהוֹשֻעַ ו׳:כ׳

    וירע העם ויתקעו בשפרות ויהי כשמע העם את קול השופר ויריעו העם תרועה גדולה ותפל החומה תחתיה ויעל העם העירה איש נגדו וילכדו את העיר׃

  21. יְהוֹשֻעַ י׳:י״ב

    אז ידבר יהושע ליהוה ביום תת יהוה את האמרי לפני בני ישראל ויאמר לעיני ישראל שמש בגבעון דום וירח בעמק אילון׃

  22. יְהוֹשֻעַ י׳:י״ג

    וידם השמש וירח עמד עד יקם גוי איביו הלא היא כתובה על ספר הישר ויעמד השמש בחצי השמים ולא אץ לבוא כיום תמים׃

  23. יְהוֹשֻעַ י׳:י״ד

    ולא היה כיום ההוא לפניו ואחריו לשמע יהוה בקול איש כי יהוה נלחם לישראל׃

  24. שֹׁפְטִים ז׳:ט״ז

    ויחץ את שלש מאות האיש שלשה ראשים ויתן שופרות ביד כלם וכדים רקים ולפדים בתוך הכדים׃

  25. שֹׁפְטִים ז׳:י״ז

    ויאמר אליהם ממני תראו וכן תעשו והנה אנכי בא בקצה המחנה והיה כאשר אעשה כן תעשון׃