פסוקים על Kings

580 פסוקים · 175 היבטים

פסוקי מפתח

סינון לפי ספר
  1. 2 מְלָכִים כ״א:כ״ג

    ויקשרו עבדי אמון עליו וימיתו את המלך בביתו׃

  2. 2 מְלָכִים כ״א:כ״ד

    ויך עם הארץ את כל הקשרים על המלך אמון וימליכו עם הארץ את יאשיהו בנו תחתיו׃

  3. 2 מְלָכִים כ״א:כ״ה

    ויתר דברי אמון אשר עשה הלא הם כתובים על ספר דברי הימים למלכי יהודה׃

  4. 2 מְלָכִים כ״א:כ״ו

    ויקבר אתו בקברתו בגן עזא וימלך יאשיהו בנו תחתיו׃

  5. 2 מְלָכִים כ״ג:ל״א

    בן עשרים ושלש שנה יהואחז במלכו ושלשה חדשים מלך בירושלם ושם אמו חמוטל בת ירמיהו מלבנה׃

  6. 2 מְלָכִים כ״ג:ל״ב

    ויעש הרע בעיני יהוה ככל אשר עשו אבתיו׃

  7. 2 מְלָכִים כ״ג:ל״ג

    ויאסרהו פרעה נכה ברבלה בארץ חמת במלך בירושלם ויתן ענש על הארץ מאה ככר כסף וככר זהב׃

  8. 2 מְלָכִים כ״ד:ח׳

    בן שמנה עשרה שנה יהויכין במלכו ושלשה חדשים מלך בירושלם ושם אמו נחשתא בת אלנתן מירושלם׃

  9. 2 מְלָכִים כ״ד:ט׳

    ויעש הרע בעיני יהוה ככל אשר עשה אביו׃

  10. 2 מְלָכִים כ״ד:י׳

    בעת ההיא עלה עבדי נבכדנאצר מלך בבל ירושלם ותבא העיר במצור׃

  11. 2 מְלָכִים כ״ד:י״א

    ויבא נבוכדנאצר מלך בבל על העיר ועבדיו צרים עליה׃

  12. 2 מְלָכִים כ״ד:י״ב

    ויצא יהויכין מלך יהודה על מלך בבל הוא ואמו ועבדיו ושריו וסריסיו ויקח אתו מלך בבל בשנת שמנה למלכו׃

  13. 2 מְלָכִים כ״ד:י״ג

    ויוצא משם את כל אוצרות בית יהוה ואוצרות בית המלך ויקצץ את כל כלי הזהב אשר עשה שלמה מלך ישראל בהיכל יהוה כאשר דבר יהוה׃

  14. 2 מְלָכִים כ״ד:י״ד

    והגלה את כל ירושלם ואת כל השרים ואת כל גבורי החיל עשרה אלפים גולה וכל החרש והמסגר לא נשאר זולת דלת עם הארץ׃

  15. 2 מְלָכִים כ״ד:ט״ו

    ויגל את יהויכין בבלה ואת אם המלך ואת נשי המלך ואת סריסיו ואת אולי הארץ הוליך גולה מירושלם בבלה׃

  16. 2 מְלָכִים כ״ד:ט״ז

    ואת כל אנשי החיל שבעת אלפים והחרש והמסגר אלף הכל גבורים עשי מלחמה ויביאם מלך בבל גולה בבלה׃

  17. 1 דִּבְרֵי הַיָּמִים י׳:א׳

    ¶ ופלשתים נלחמו בישראל וינס איש ישראל מפני פלשתים ויפלו חללים בהר גלבע׃

  18. 1 דִּבְרֵי הַיָּמִים י׳:ב׳

    וידבקו פלשתים אחרי שאול ואחרי בניו ויכו פלשתים את יונתן ואת אבינדב ואת מלכי שוע בני שאול׃

  19. 1 דִּבְרֵי הַיָּמִים י׳:ג׳

    ותכבד המלחמה על שאול וימצאהו המורים בקשת ויחל מן היורים׃

  20. 1 דִּבְרֵי הַיָּמִים י׳:ד׳

    ויאמר שאול אל נשא כליו שלף חרבך ודקרני בה פן יבאו הערלים האלה והתעללו בי ולא אבה נשא כליו כי ירא מאד ויקח שאול את החרב ויפל עליה׃

  21. 1 דִּבְרֵי הַיָּמִים י׳:ה׳

    וירא נשא כליו כי מת שאול ויפל גם הוא על החרב וימת׃

  22. 1 דִּבְרֵי הַיָּמִים י׳:ו׳

    וימת שאול ושלשת בניו וכל ביתו יחדו מתו׃

  23. 1 דִּבְרֵי הַיָּמִים י׳:ז׳

    ויראו כל איש ישראל אשר בעמק כי נסו וכי מתו שאול ובניו ויעזבו עריהם וינסו ויבאו פלשתים וישבו בהם׃

  24. 1 דִּבְרֵי הַיָּמִים י׳:ח׳

    ויהי ממחרת ויבאו פלשתים לפשט את החללים וימצאו את שאול ואת בניו נפלים בהר גלבע׃

  25. 1 דִּבְרֵי הַיָּמִים י׳:ט׳

    ויפשיטהו וישאו את ראשו ואת כליו וישלחו בארץ פלשתים סביב לבשר את עצביהם ואת העם׃