פסוקים על King

74 פסוקים · 18 היבטים

פסוקי מפתח

סינון לפי ספר
  1. מִשְׁלֵי ט״ז:י״ד

    חמת מלך מלאכי מות ואיש חכם יכפרנה׃

  2. מִשְׁלֵי ט״ז:ט״ו

    באור פני מלך חיים ורצונו כעב מלקוש׃

  3. מִשְׁלֵי כ״ה:ה׳

    הגו רשע לפני מלך ויכון בצדק כסאו׃

  4. מִשְׁלֵי כ״ה:ו׳

    אל תתהדר לפני מלך ובמקום גדלים אל תעמד׃

  5. מִשְׁלֵי ל״א:ד׳

    אל למלכים למואל אל למלכים שתו יין ולרוזנים או שכר׃

  6. מִשְׁלֵי ל״א:ה׳

    פן ישתה וישכח מחקק וישנה דין כל בני עני׃

  7. קֹהֶלֶת ח׳:ב׳

    אני פי מלך שמור ועל דברת שבועת אלהים׃

  8. קֹהֶלֶת ח׳:ג׳

    אל תבהל מפניו תלך אל תעמד בדבר רע כי כל אשר יחפץ יעשה׃

  9. קֹהֶלֶת ח׳:ד׳

    באשר דבר מלך שלטון ומי יאמר לו מה תעשה׃

  10. קֹהֶלֶת ח׳:ה׳

    שומר מצוה לא ידע דבר רע ועת ומשפט ידע לב חכם׃

  11. יִרְמְיָהוּ ל״ד:ח׳

    הדבר אשר היה אל ירמיהו מאת יהוה אחרי כרת המלך צדקיהו ברית את כל העם אשר בירושלם לקרא להם דרור׃

  12. יִרְמְיָהוּ ל״ד:ט׳

    לשלח איש את עבדו ואיש את שפחתו העברי והעבריה חפשים לבלתי עבד בם ביהודי אחיהו איש׃

  13. יִרְמְיָהוּ ל״ד:י׳

    וישמעו כל השרים וכל העם אשר באו בברית לשלח איש את עבדו ואיש את שפחתו חפשים לבלתי עבד בם עוד וישמעו וישלחו׃

  14. יִרְמְיָהוּ ל״ד:י״א

    וישובו אחרי כן וישבו את העבדים ואת השפחות אשר שלחו חפשים ויכבישום לעבדים ולשפחות׃

  15. יְחֶזְקֵאל מ״ה:ט׳

    כה אמר אדני יהוה רב לכם נשיאי ישראל חמס ושד הסירו ומשפט וצדקה עשו הרימו גרשתיכם מעל עמי נאם אדני יהוה׃

  16. יְחֶזְקֵאל מ״ה:י׳

    מאזני צדק ואיפת צדק ובת צדק יהי לכם׃

  17. יְחֶזְקֵאל מ״ה:י״א

    האיפה והבת תכן אחד יהיה לשאת מעשר החמר הבת ועשירת החמר האיפה אל החמר יהיה מתכנתו׃

  18. יְחֶזְקֵאל מ״ה:י״ב

    והשקל עשרים גרה עשרים שקלים חמשה ועשרים שקלים עשרה וחמשה שקל המנה יהיה לכם׃

  19. יְחֶזְקֵאל מ״ה:י״ג

    זאת התרומה אשר תרימו ששית האיפה מחמר החטים וששיתם האיפה מחמר השערים׃

  20. יְחֶזְקֵאל מ״ה:י״ד

    וחק השמן הבת השמן מעשר הבת מן הכר עשרת הבתים חמר כי עשרת הבתים חמר׃

  21. יְחֶזְקֵאל מ״ה:ט״ו

    ושה אחת מן הצאן מן המאתים ממשקה ישראל למנחה ולעולה ולשלמים לכפר עליהם נאם אדני יהוה׃

  22. יְחֶזְקֵאל מ״ה:ט״ז

    כל העם הארץ יהיו אל התרומה הזאת לנשיא בישראל׃

  23. יְחֶזְקֵאל מ״ה:י״ז

    ועל הנשיא יהיה העולות והמנחה והנסך בחגים ובחדשים ובשבתות בכל מועדי בית ישראל הוא יעשה את החטאת ואת המנחה ואת העולה ואת השלמים לכפר בעד בית ישראל׃

  24. יְחֶזְקֵאל מ״ה:י״ח

    כה אמר אדני יהוה בראשון באחד לחדש תקח פר בן בקר תמים וחטאת את המקדש׃

  25. יְחֶזְקֵאל מ״ה:י״ט

    ולקח הכהן מדם החטאת ונתן אל מזוזת הבית ואל ארבע פנות העזרה למזבח ועל מזוזת שער החצר הפנימית׃