Gehazi

12 פסוקים

פסוקים המזכירים את Gehazi

  1. 2 מְלָכִים ד׳:י״ב

    ויאמר אל גחזי נערו קרא לשונמית הזאת ויקרא לה ותעמד לפניו׃

  2. 2 מְלָכִים ד׳:י״ד

    ויאמר ומה לעשות לה ויאמר גיחזי אבל בן אין לה ואישה זקן׃

  3. 2 מְלָכִים ד׳:כ״ה

    ותלך ותבוא אל איש האלהים אל הר הכרמל ויהי כראות איש האלהים אתה מנגד ויאמר אל גיחזי נערו הנה השונמית הלז׃

  4. 2 מְלָכִים ד׳:כ״ז

    ותבא אל איש האלהים אל ההר ותחזק ברגליו ויגש גיחזי להדפה ויאמר איש האלהים הרפה לה כי נפשה מרה לה ויהוה העלים ממני ולא הגיד לי׃

  5. 2 מְלָכִים ד׳:כ״ט

    ויאמר לגיחזי חגר מתניך וקח משענתי בידך ולך כי תמצא איש לא תברכנו וכי יברכך איש לא תעננו ושמת משענתי על פני הנער׃

  6. 2 מְלָכִים ד׳:ל״א

    וגחזי עבר לפניהם וישם את המשענת על פני הנער ואין קול ואין קשב וישב לקראתו ויגד לו לאמר לא הקיץ הנער׃

  7. 2 מְלָכִים ד׳:ל״ו

    ויקרא אל גיחזי ויאמר קרא אל השנמית הזאת ויקראה ותבוא אליו ויאמר שאי בנך׃

  8. 2 מְלָכִים ה׳:כ׳

    ויאמר גיחזי נער אלישע איש האלהים הנה חשך אדני את נעמן הארמי הזה מקחת מידו את אשר הביא חי יהוה כי אם רצתי אחריו ולקחתי מאתו מאומה׃

  9. 2 מְלָכִים ה׳:כ״א

    וירדף גיחזי אחרי נעמן ויראה נעמן רץ אחריו ויפל מעל המרכבה לקראתו ויאמר השלום׃

  10. 2 מְלָכִים ה׳:כ״ה

    והוא בא ויעמד אל אדניו ויאמר אליו אלישע מאן גחזי ויאמר לא הלך עבדך אנה ואנה׃

  11. 2 מְלָכִים ח׳:ד׳

    והמלך מדבר אל גחזי נער איש האלהים לאמר ספרה נא לי את כל הגדלות אשר עשה אלישע׃

  12. 2 מְלָכִים ח׳:ה׳

    ויהי הוא מספר למלך את אשר החיה את המת והנה האשה אשר החיה את בנה צעקת אל המלך על ביתה ועל שדה ויאמר גחזי אדני המלך זאת האשה וזה בנה אשר החיה אלישע׃