פסוקים על Hypocrisy

שרידו במות יקברו ואלמנתיו לא תבכינה׃

אם יצבר כעפר כסף וכחמר יכין מלבוש׃

יכין וצדיק ילבש וכסף נקי יחלק׃

בנה כעש ביתו וכסכה עשה נצר׃

אם כסיתי כאדם פשעי לטמון בחבי עוני׃

כי אערוץ המון רבה ובוז משפחות יחתני ואדם לא אצא פתח׃

וחנפי לב ישימו אף לא ישועו כי אסרם׃

תמת בנער נפשם וחיתם בקדשים׃

ולרשע אמר אלהים מה לך לספר חקי ותשא בריתי עלי פיך׃

ואתה שנאת מוסר ותשלך דברי אחריך׃

כי לא אויב יחרפני ואשא לא משנאי עלי הגדיל ואסתר ממנו׃

ואתה אנוש כערכי אלופי ומידעי׃

אשר יחדו נמתיק סוד בבית אלהים נהלך ברגש׃

שלח ידיו בשלמיו חלל בריתו׃

חלקו מחמאת פיו וקרב לבו רכו דבריו משמן והמה פתחות׃

אם הרגם ודרשוהו ושבו ושחרו אל׃

ויזכרו כי אלהים צורם ואל עליון גאלם׃

ויפתוהו בפיהם ובלשונם יכזבו לו׃

ולבם לא נכון עמו ולא נאמנו בבריתו׃

והנה אשה לקראתו שית זונה ונצרת לב׃

המיה היא וסררת בביתה לא ישכנו רגליה׃

פעם בחוץ פעם ברחבות ואצל כל פנה תארב׃

והחזיקה בו ונשקה לו העזה פניה ותאמר לו׃

זבחי שלמים עלי היום שלמתי נדרי׃

על כן יצאתי לקראתך לשחר פניך ואמצאך׃