פסוקים על Hypocrisy

246 פסוקים · 1 היבט

פסוקי מפתח

סינון לפי ספר
  1. מִשְׁלֵי ז׳:ט״ז

    מרבדים רבדתי ערשי חטבות אטון מצרים׃

  2. מִשְׁלֵי ז׳:י״ז

    נפתי משכבי מר אהלים וקנמון׃

  3. מִשְׁלֵי ז׳:י״ח

    לכה נרוה דדים עד הבקר נתעלסה באהבים׃

  4. מִשְׁלֵי ז׳:י״ט

    כי אין האיש בביתו הלך בדרך מרחוק׃

  5. מִשְׁלֵי ז׳:כ׳

    צרור הכסף לקח בידו ליום הכסא יבא ביתו׃

  6. מִשְׁלֵי ז׳:כ״א

    הטתו ברב לקחה בחלק שפתיה תדיחנו׃

  7. מִשְׁלֵי כ״ג:ו׳

    אל תלחם את לחם רע עין ואל תתאו למטעמתיו׃

  8. מִשְׁלֵי כ״ג:ז׳

    כי כמו שער בנפשו כן הוא אכל ושתה יאמר לך ולבו בל עמך׃

  9. מִשְׁלֵי כ״ג:ח׳

    פתך אכלת תקיאנה ושחת דבריך הנעימים׃

  10. מִשְׁלֵי כ״ו:י״ח

    כמתלהלה הירה זקים חצים ומות׃

  11. מִשְׁלֵי כ״ו:י״ט

    כן איש רמה את רעהו ואמר הלא משחק אני׃

  12. מִשְׁלֵי כ״ו:כ״ג

    כסף סיגים מצפה על חרש שפתים דלקים ולב רע׃

  13. מִשְׁלֵי כ״ו:כ״ד

    בשפתו ינכר שונא ובקרבו ישית מרמה׃

  14. מִשְׁלֵי כ״ו:כ״ה

    כי יחנן קולו אל תאמן בו כי שבע תועבות בלבו׃

  15. מִשְׁלֵי כ״ו:כ״ו

    תכסה שנאה במשאון תגלה רעתו בקהל׃

  16. יְשַׁעְיָהוּ א׳:י״א

    למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי׃

  17. יְשַׁעְיָהוּ א׳:י״ב

    כי תבאו לראות פני מי בקש זאת מידכם רמס חצרי׃

  18. יְשַׁעְיָהוּ א׳:י״ג

    לא תוסיפו הביא מנחת שוא קטרת תועבה היא לי חדש ושבת קרא מקרא לא אוכל און ועצרה׃

  19. יְשַׁעְיָהוּ א׳:י״ד

    חדשיכם ומועדיכם שנאה נפשי היו עלי לטרח נלאיתי נשא׃

  20. יְשַׁעְיָהוּ א׳:ט״ו

    ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃

  21. יְשַׁעְיָהוּ כ״ט:ט״ו

    הוי המעמיקים מיהוה לסתר עצה והיה במחשך מעשיהם ויאמרו מי ראנו ומי יודענו׃

  22. יְשַׁעְיָהוּ כ״ט:ט״ז

    הפככם אם כחמר היצר יחשב כי יאמר מעשה לעשהו לא עשני ויצר אמר ליוצרו לא הבין׃

  23. יְשַׁעְיָהוּ ל״ב:ה׳

    לא יקרא עוד לנבל נדיב ולכילי לא יאמר שוע׃

  24. יְשַׁעְיָהוּ ל״ב:ו׳

    כי נבל נבלה ידבר ולבו יעשה און לעשות חנף ולדבר אל יהוה תועה להריק נפש רעב ומשקה צמא יחסיר׃

  25. יְשַׁעְיָהוּ מ״ח:א׳

    ¶ שמעו זאת בית יעקב הנקראים בשם ישראל וממי יהודה יצאו הנשבעים בשם יהוה ובאלהי ישראל יזכירו לא באמת ולא בצדקה׃