פסוקים על Gethsemane

43 פסוקים · 1 היבט

פסוקי מפתח

סינון לפי ספר
  1. מתיו כ״ו:ל״ו

    אחרי כן בא אתם ישוע אל חצר הנקרא גת שמני ויאמר אל התלמידים שבו לכם פה עד אשר אלך שמה והתפללתי׃

  2. מתיו כ״ו:ל״ז

    ויקח אתו את פטרוס ואת שני בני זבדי ויחל להעצב ולמוג׃

  3. מתיו כ״ו:ל״ח

    ויאמר להם נפשי מרה לי עד מות עמדו פה ושקדו עמי׃

  4. מתיו כ״ו:ל״ט

    וילך מעט האלה ויפל על פניו ויתפלל לאמר אבי אם יוכל להיות תעבר נא מעלי הכוס הזאת אך לא כרצוני כי אם כרצונך׃

  5. מתיו כ״ו:מ׳

    ויבא אל התלמידים וימצאם ישנים ויאמר אל פטרוס הנה לא היה ביכלתכם לשקד עמי שעה אחת׃

  6. מתיו כ״ו:מ״א

    שקדו והתפללו פן תבאו לידי נסיון הן הרוח היא חפצה והבשר הוא רפה׃

  7. מתיו כ״ו:מ״ב

    ויוסף ללכת לו שנית ויתפלל לאמר אבי אם לא תוכל הכוס הזאת לעבר ממני מבלי שתותי אתה יהי כרצונך׃

  8. מתיו כ״ו:מ״ג

    ויבא וימצאם גם בפעם הזאת ישנים כי עיניהם היו כבדות׃

  9. מתיו כ״ו:מ״ד

    ויניחם ויוסף ללכת ויתפלל שלישית באמרו עוד הפעם כדבר הזה׃

  10. מתיו כ״ו:מ״ה

    ויבא אל התלמידים ויאמר אליהם נומו מעתה ונוחו הנה השעה קרובה ובן האדם נמסר לידי חטאים׃

  11. מתיו כ״ו:מ״ו

    קומו ונלכה הנה הלך וקרב המסר אותי׃

  12. מתיו כ״ו:מ״ז

    עודנו מדבר והנה בא יהודה אחד משנים העשר ועמו המון רב ברחבות ובמקלות מאת ראשי הכהנים וזקני העם׃

  13. מתיו כ״ו:מ״ח

    והמסר אתו נתן להם אות לאמר האיש אשר אשקהו זה הוא תפשוהו׃

  14. מתיו כ״ו:מ״ט

    ומיד נגש אל ישוע ויאמר שלום לך רבי וינשק לו׃

  15. מתיו כ״ו:נ׳

    ויאמר אליו ישוע רעי על מה באת ויגשו וישלחו את ידיהם בישוע ויתפשו אתו׃

  16. סנט מארק י״ד:ל״ב

    ויבאו אל חצר גת שמני שמו ויאמר אל תלמידיו שבו לכם פה עד אשר אתפלל׃

  17. סנט מארק י״ד:ל״ג

    ויקח אתו את פטרוס ואת יעקב ואת יוחנן ויחל להשמים ולמוג׃

  18. סנט מארק י״ד:ל״ד

    ויאמר אליהם נפשי מרה לי עד מות עמדו פה ושקדו׃

  19. סנט מארק י״ד:ל״ה

    ויעבר משם מעט והלאה ויפל ארצה ויתפלל אשר אם יוכל היות תעבר נא מעליו השעה הזאת׃

  20. סנט מארק י״ד:ל״ו

    ויאמר אבא אבי הכל תוכל העבר נא מעלי את הכוס הזאת אך לא את אשר אני רוצה כי אם את אשר אתה׃

  21. סנט מארק י״ד:ל״ז

    ויבא וימצאם ישנים ויאמר אל פטרוס שמעון התישן הכי לא יכלת לשקד שעה אחת׃

  22. סנט מארק י״ד:ל״ח

    שקדו והתפללו פן תבאו לידי נסיון הן הרוח היא חפצה והבשר רפה׃

  23. סנט מארק י״ד:ל״ט

    ויסף לסור ויתפלל באמרו עוד הפעם כדברים ההמה׃

  24. סנט מארק י״ד:מ׳

    וישב וימצאם שנית ישנים כי עיניהם היו כבדות ולא ידעו מה יענהו׃

  25. סנט מארק י״ד:מ״א

    ויבא פעם שלישית ויאמר אליהם מעתה נומו ונוחו רב לי כי באה השעה הנה בן האדם נמסר בידי חטאים׃