פסוקים על Egypt

328 פסוקים · 105 היבטים

פסוקי מפתח

סינון לפי ספר
  1. שְׁמֹות י״ד:כ״א

    ויט משה את ידו על הים ויולך יהוה את הים ברוח קדים עזה כל הלילה וישם את הים לחרבה ויבקעו המים׃

  2. שְׁמֹות י״ד:כ״ב

    ויבאו בני ישראל בתוך הים ביבשה והמים להם חמה מימינם ומשמאלם׃

  3. שְׁמֹות י״ד:כ״ג

    וירדפו מצרים ויבאו אחריהם כל סוס פרעה רכבו ופרשיו אל תוך הים׃

  4. שְׁמֹות י״ד:כ״ד

    ויהי באשמרת הבקר וישקף יהוה אל מחנה מצרים בעמוד אש וענן ויהם את מחנה מצרים׃

  5. שְׁמֹות י״ד:כ״ה

    ויסר את אפן מרכבתיו וינהגהו בכבדת ויאמר מצרים אנוסה מפני ישראל כי יהוה נלחם להם במצרים׃

  6. שְׁמֹות י״ד:כ״ו

    ויאמר יהוה אל משה נטה את ידך על הים וישבו המים על מצרים על רכבו ועל פרשיו׃

  7. שְׁמֹות י״ד:כ״ז

    ויט משה את ידו על הים וישב הים לפנות בקר לאיתנו ומצרים נסים לקראתו וינער יהוה את מצרים בתוך הים׃

  8. שְׁמֹות י״ד:כ״ח

    וישבו המים ויכסו את הרכב ואת הפרשים לכל חיל פרעה הבאים אחריהם בים לא נשאר בהם עד אחד׃

  9. 2 מְלָכִים כ״ג:ל״א

    בן עשרים ושלש שנה יהואחז במלכו ושלשה חדשים מלך בירושלם ושם אמו חמוטל בת ירמיהו מלבנה׃

  10. 2 מְלָכִים כ״ג:ל״ב

    ויעש הרע בעיני יהוה ככל אשר עשו אבתיו׃

  11. 2 מְלָכִים כ״ג:ל״ג

    ויאסרהו פרעה נכה ברבלה בארץ חמת במלך בירושלם ויתן ענש על הארץ מאה ככר כסף וככר זהב׃

  12. 2 מְלָכִים כ״ג:ל״ד

    וימלך פרעה נכה את אליקים בן יאשיהו תחת יאשיהו אביו ויסב את שמו יהויקים ואת יהואחז לקח ויבא מצרים וימת שם׃

  13. 2 מְלָכִים כ״ג:ל״ה

    והכסף והזהב נתן יהויקים לפרעה אך העריך את הארץ לתת את הכסף על פי פרעה איש כערכו נגש את הכסף ואת הזהב את עם הארץ לתת לפרעה נכה׃

  14. יְשַׁעְיָהוּ י״ט:ה׳

    ונשתו מים מהים ונהר יחרב ויבש׃

  15. יְשַׁעְיָהוּ י״ט:ו׳

    והאזניחו נהרות דללו וחרבו יארי מצור קנה וסוף קמלו׃

  16. יְשַׁעְיָהוּ י״ט:ז׳

    ערות על יאור על פי יאור וכל מזרע יאור ייבש נדף ואיננו׃

  17. יְשַׁעְיָהוּ י״ט:ח׳

    ואנו הדיגים ואבלו כל משליכי ביאור חכה ופרשי מכמרת על פני מים אמללו׃

  18. יְשַׁעְיָהוּ י״ט:ט׳

    ובשו עבדי פשתים שריקות וארגים חורי׃

  19. יְשַׁעְיָהוּ י״ט:י׳

    והיו שתתיה מדכאים כל עשי שכר אגמי נפש׃

  20. יְשַׁעְיָהוּ י״ט:י״א

    אך אולים שרי צען חכמי יעצי פרעה עצה נבערה איך תאמרו אל פרעה בן חכמים אני בן מלכי קדם׃

  21. יְשַׁעְיָהוּ י״ט:י״ב

    אים אפוא חכמיך ויגידו נא לך וידעו מה יעץ יהוה צבאות על מצרים׃

  22. יְשַׁעְיָהוּ י״ט:י״ג

    נואלו שרי צען נשאו שרי נף התעו את מצרים פנת שבטיה׃

  23. יְשַׁעְיָהוּ י״ט:י״ד

    יהוה מסך בקרבה רוח עועים והתעו את מצרים בכל מעשהו כהתעות שכור בקיאו׃

  24. יְשַׁעְיָהוּ י״ט:י״ח

    ביום ההוא יהיו חמש ערים בארץ מצרים מדברות שפת כנען ונשבעות ליהוה צבאות עיר ההרס יאמר לאחת׃

  25. יְשַׁעְיָהוּ י״ט:י״ט

    ביום ההוא יהיה מזבח ליהוה בתוך ארץ מצרים ומצבה אצל גבולה ליהוה׃