פסוקים על Egypt: Joseph's ten brethren arrive

¶ וירא יעקב כי יש שבר במצרים ויאמר יעקב לבניו למה תתראו׃

ויאמר הנה שמעתי כי יש שבר במצרים רדו שמה ושברו לנו משם ונחיה ולא נמות׃

וירדו אחי יוסף עשרה לשבר בר ממצרים׃

ואת בנימין אחי יוסף לא שלח יעקב את אחיו כי אמר פן יקראנו אסון׃

ויבאו בני ישראל לשבר בתוך הבאים כי היה הרעב בארץ כנען׃

ויוסף הוא השליט על הארץ הוא המשביר לכל עם הארץ ויבאו אחי יוסף וישתחוו לו אפים ארצה׃