פסוקים על Egypt

328 פסוקים · 105 היבטים

פסוקי מפתח

יִרְמְיָהוּ מ״ד:כ״ח
ופליטי חרב ישבון מן ארץ מצרים ארץ יהודה מתי מספר וידעו כל שארית יהודה הבאים לארץ מצרים לגור שם דבר מי יקום ממני ומהם׃
יִרְמְיָהוּ מ״ו:ב׳
למצרים על חיל פרעה נכו מלך מצרים אשר היה על נהר פרת בכרכמש אשר הכה נבוכדראצר מלך בבל בשנת הרביעית ליהויקים בן יאשיהו מלך יהודה׃
יִרְמְיָהוּ מ״ו:ג׳
ערכו מגן וצנה וגשו למלחמה׃
יִרְמְיָהוּ מ״ו:ד׳
אסרו הסוסים ועלו הפרשים והתיצבו בכובעים מרקו הרמחים לבשו הסרינת׃
יִרְמְיָהוּ מ״ו:ה׳
מדוע ראיתי המה חתים נסגים אחור וגבוריהם יכתו ומנוס נסו ולא הפנו מגור מסביב נאם יהוה׃
יִרְמְיָהוּ מ״ו:ו׳
אל ינוס הקל ואל ימלט הגבור צפונה על יד נהר פרת כשלו ונפלו׃
יִרְמְיָהוּ מ״ו:ז׳
מי זה כיאר יעלה כנהרות יתגעשו מימיו׃
יִרְמְיָהוּ מ״ו:ח׳
מצרים כיאר יעלה וכנהרות יתגעשו מים ויאמר אעלה אכסה ארץ אבידה עיר וישבי בה׃
יִרְמְיָהוּ מ״ו:ט׳
עלו הסוסים והתהללו הרכב ויצאו הגבורים כוש ופוט תפשי מגן ולודים תפשי דרכי קשת׃
יִרְמְיָהוּ מ״ו:י׳
והיום ההוא לאדני יהוה צבאות יום נקמה להנקם מצריו ואכלה חרב ושבעה ורותה מדמם כי זבח לאדני יהוה צבאות בארץ צפון אל נהר פרת׃
יִרְמְיָהוּ מ״ו:י״א
עלי גלעד וקחי צרי בתולת בת מצרים לשוא הרביתי רפאות תעלה אין לך׃
יִרְמְיָהוּ מ״ו:י״ב
שמעו גוים קלונך וצוחתך מלאה הארץ כי גבור בגבור כשלו יחדיו נפלו שניהם׃
יְחֶזְקֵאל כ״ט:ח׳
לכן כה אמר אדני יהוה הנני מביא עליך חרב והכרתי ממך אדם ובהמה׃
יְחֶזְקֵאל כ״ט:ט׳
והיתה ארץ מצרים לשממה וחרבה וידעו כי אני יהוה יען אמר יאר לי ואני עשיתי׃
יְחֶזְקֵאל כ״ט:י׳
לכן הנני אליך ואל יאריך ונתתי את ארץ מצרים לחרבות חרב שממה ממגדל סונה ועד גבול כוש׃
יְחֶזְקֵאל כ״ט:י״א
לא תעבר בה רגל אדם ורגל בהמה לא תעבר בה ולא תשב ארבעים שנה׃
יְחֶזְקֵאל כ״ט:י״ב
ונתתי את ארץ מצרים שממה בתוך ארצות נשמות ועריה בתוך ערים מחרבות תהיין שממה ארבעים שנה והפצתי את מצרים בגוים וזריתים בארצות׃
יְחֶזְקֵאל כ״ט:י״ח
בן אדם נבוכדראצר מלך בבל העביד את חילו עבדה גדלה אל צר כל ראש מקרח וכל כתף מרוטה ושכר לא היה לו ולחילו מצר על העבדה אשר עבד עליה׃
יְחֶזְקֵאל כ״ט:י״ט
לכן כה אמר אדני יהוה הנני נתן לנבוכדראצר מלך בבל את ארץ מצרים ונשא המנה ושלל שללה ובזז בזה והיתה שכר לחילו׃
יְחֶזְקֵאל כ״ט:כ׳
פעלתו אשר עבד בה נתתי לו את ארץ מצרים אשר עשו לי נאם אדני יהוה׃
יְחֶזְקֵאל ל׳:י״ד
והשמתי את פתרוס ונתתי אש בצען ועשיתי שפטים בנא׃
יְחֶזְקֵאל ל׳:ט״ו
ושפכתי חמתי על סין מעוז מצרים והכרתי את המון נא׃
יְחֶזְקֵאל ל׳:ט״ז
ונתתי אש במצרים חול תחיל סין ונא תהיה להבקע ונף צרי יומם׃
יְחֶזְקֵאל ל׳:י״ז
בחורי און ופי בסת בחרב יפלו והנה בשבי תלכנה׃
יְחֶזְקֵאל ל׳:י״ח
ובתחפנחס חשך היום בשברי שם את מטות מצרים ונשבת בה גאון עזה היא ענן יכסנה ובנותיה בשבי תלכנה׃

מציג 301–325 מתוך 328 פסוקים

הקודם 1...11 12 13 14 הבא