פסוקים על Edomites

154 פסוקים · 14 היבטים

פסוקי מפתח

יִרְמְיָהוּ ט׳:כ״ו
על מצרים ועל יהודה ועל אדום ועל בני עמון ועל מואב ועל כל קצוצי פאה הישבים במדבר כי כל הגוים ערלים וכל בית ישראל ערלי לב׃
יִרְמְיָהוּ כ״ז:א׳
¶ בראשית ממלכת יהויקם בן יאושיהו מלך יהודה היה הדבר הזה אל ירמיה מאת יהוה לאמר׃
יִרְמְיָהוּ כ״ז:ב׳
כה אמר יהוה אלי עשה לך מוסרות ומטות ונתתם על צוארך׃
יִרְמְיָהוּ כ״ז:ג׳
ושלחתם אל מלך אדום ואל מלך מואב ואל מלך בני עמון ואל מלך צר ואל מלך צידון ביד מלאכים הבאים ירושלם אל צדקיהו מלך יהודה׃
יִרְמְיָהוּ כ״ז:ד׳
וצוית אתם אל אדניהם לאמר כה אמר יהוה צבאות אלהי ישראל כה תאמרו אל אדניכם׃
יִרְמְיָהוּ כ״ז:ה׳
אנכי עשיתי את הארץ את האדם ואת הבהמה אשר על פני הארץ בכחי הגדול ובזרועי הנטויה ונתתיה לאשר ישר בעיני׃
יִרְמְיָהוּ כ״ז:ו׳
ועתה אנכי נתתי את כל הארצות האלה ביד נבוכדנאצר מלך בבל עבדי וגם את חית השדה נתתי לו לעבדו׃
יִרְמְיָהוּ כ״ז:ז׳
ועבדו אתו כל הגוים ואת בנו ואת בן בנו עד בא עת ארצו גם הוא ועבדו בו גוים רבים ומלכים גדלים׃
יִרְמְיָהוּ כ״ז:ח׳
והיה הגוי והממלכה אשר לא יעבדו אתו את נבוכדנאצר מלך בבל ואת אשר לא יתן את צוארו בעל מלך בבל בחרב וברעב ובדבר אפקד על הגוי ההוא נאם יהוה עד תמי אתם בידו׃
יִרְמְיָהוּ כ״ז:ט׳
ואתם אל תשמעו אל נביאיכם ואל קסמיכם ואל חלמתיכם ואל ענניכם ואל כשפיכם אשר הם אמרים אליכם לאמר לא תעבדו את מלך בבל׃
יִרְמְיָהוּ כ״ז:י׳
כי שקר הם נבאים לכם למען הרחיק אתכם מעל אדמתכם והדחתי אתכם ואבדתם׃
יִרְמְיָהוּ כ״ז:י״א
והגוי אשר יביא את צוארו בעל מלך בבל ועבדו והנחתיו על אדמתו נאם יהוה ועבדה וישב בה׃
יִרְמְיָהוּ מ״ט:ז׳
לאדום כה אמר יהוה צבאות האין עוד חכמה בתימן אבדה עצה מבנים נסרחה חכמתם׃
יִרְמְיָהוּ מ״ט:ח׳
נסו הפנו העמיקו לשבת ישבי דדן כי איד עשו הבאתי עליו עת פקדתיו׃
יִרְמְיָהוּ מ״ט:ט׳
אם בצרים באו לך לא ישארו עוללות אם גנבים בלילה השחיתו דים׃
יִרְמְיָהוּ מ״ט:י׳
כי אני חשפתי את עשו גליתי את מסתריו ונחבה לא יוכל שדד זרעו ואחיו ושכניו ואיננו׃
יִרְמְיָהוּ מ״ט:י״א
עזבה יתמיך אני אחיה ואלמנתיך עלי תבטחו׃
יִרְמְיָהוּ מ״ט:י״ב
כי כה אמר יהוה הנה אשר אין משפטם לשתות הכוס שתו ישתו ואתה הוא נקה תנקה לא תנקה כי שתה תשתה׃
יִרְמְיָהוּ מ״ט:י״ג
כי בי נשבעתי נאם יהוה כי לשמה לחרפה לחרב ולקללה תהיה בצרה וכל עריה תהיינה לחרבות עולם׃
יִרְמְיָהוּ מ״ט:י״ד
שמועה שמעתי מאת יהוה וציר בגוים שלוח התקבצו ובאו עליה וקומו למלחמה׃
יִרְמְיָהוּ מ״ט:ט״ו
כי הנה קטן נתתיך בגוים בזוי באדם׃
יִרְמְיָהוּ מ״ט:ט״ז
תפלצתך השיא אתך זדון לבך שכני בחגוי הסלע תפשי מרום גבעה כי תגביה כנשר קנך משם אורידך נאם יהוה׃
יִרְמְיָהוּ מ״ט:י״ז
והיתה אדום לשמה כל עבר עליה ישם וישרק על כל מכותה׃
יִרְמְיָהוּ מ״ט:י״ח
כמהפכת סדם ועמרה ושכניה אמר יהוה לא ישב שם איש ולא יגור בה בן אדם׃
יִרְמְיָהוּ מ״ט:י״ט
הנה כאריה יעלה מגאון הירדן אל נוה איתן כי ארגיעה אריצנו מעליה ומי בחור אליה אפקד כי מי כמוני ומי יעידני ומי זה רעה אשר יעמד לפני׃

מציג 76–100 מתוך 154 פסוקים

הקודם 1 2 3 4 5 6 7 הבא