פסוקים על Angel (1)

127 פסוקים · 4 היבטים

פסוקי מפתח

סינון לפי ספר
  1. 2 שְׁמוּאֵל כ״ד:ט״ז

    וישלח ידו המלאך ירושלם לשחתה וינחם יהוה אל הרעה ויאמר למלאך המשחית בעם רב עתה הרף ידך ומלאך יהוה היה עם גרן האורנה היבסי׃

  2. 2 שְׁמוּאֵל כ״ד:י״ז

    ויאמר דוד אל יהוה בראתו את המלאך המכה בעם ויאמר הנה אנכי חטאתי ואנכי העויתי ואלה הצאן מה עשו תהי נא ידך בי ובבית אבי׃

  3. 1 מְלָכִים י״ט:ה׳

    וישכב ויישן תחת רתם אחד והנה זה מלאך נגע בו ויאמר לו קום אכול׃

  4. 1 מְלָכִים י״ט:ו׳

    ויבט והנה מראשתיו עגת רצפים וצפחת מים ויאכל וישת וישב וישכב׃

  5. 1 מְלָכִים י״ט:ז׳

    וישב מלאך יהוה שנית ויגע בו ויאמר קום אכל כי רב ממך הדרך׃

  6. 1 מְלָכִים י״ט:ח׳

    ויקם ויאכל וישתה וילך בכח האכילה ההיא ארבעים יום וארבעים לילה עד הר האלהים חרב׃

  7. 1 דִּבְרֵי הַיָּמִים כ״א:ט״ו

    וישלח האלהים מלאך לירושלם להשחיתה וכהשחית ראה יהוה וינחם על הרעה ויאמר למלאך המשחית רב עתה הרף ידך ומלאך יהוה עמד עם גרן ארנן היבוסי׃

  8. 1 דִּבְרֵי הַיָּמִים כ״א:ט״ז

    וישא דויד את עיניו וירא את מלאך יהוה עמד בין הארץ ובין השמים וחרבו שלופה בידו נטויה על ירושלם ויפל דויד והזקנים מכסים בשקים על פניהם׃

  9. אִיּוֹב ד׳:ט״ו

    ורוח על פני יחלף תסמר שערת בשרי׃

  10. אִיּוֹב ד׳:ט״ז

    יעמד ולא אכיר מראהו תמונה לנגד עיני דממה וקול אשמע׃

  11. אִיּוֹב ד׳:י״ז

    האנוש מאלוה יצדק אם מעשהו יטהר גבר׃

  12. אִיּוֹב ד׳:י״ח

    הן בעבדיו לא יאמין ובמלאכיו ישים תהלה׃

  13. אִיּוֹב ד׳:י״ט

    אף שכני בתי חמר אשר בעפר יסודם ידכאום לפני עש׃

  14. תְהִלִּים ל״ה:ה׳

    יהיו כמץ לפני רוח ומלאך יהוה דוחה׃

  15. תְהִלִּים ל״ה:ו׳

    יהי דרכם חשך וחלקלקות ומלאך יהוה רדפם׃

  16. תְהִלִּים צ״א:י״א

    כי מלאכיו יצוה לך לשמרך בכל דרכיך׃

  17. תְהִלִּים צ״א:י״ב

    על כפים ישאונך פן תגף באבן רגלך׃

  18. תְהִלִּים ק״ג:כ׳

    ברכו יהוה מלאכיו גברי כח עשי דברו לשמע בקול דברו׃

  19. תְהִלִּים ק״ג:כ״א

    ברכו יהוה כל צבאיו משרתיו עשי רצונו׃

  20. יְשַׁעְיָהוּ ו׳:ה׳

    ואמר אוי לי כי נדמיתי כי איש טמא שפתים אנכי ובתוך עם טמא שפתים אנכי יושב כי את המלך יהוה צבאות ראו עיני׃

  21. יְשַׁעְיָהוּ ו׳:ו׳

    ויעף אלי אחד מן השרפים ובידו רצפה במלקחים לקח מעל המזבח׃

  22. יְשַׁעְיָהוּ ו׳:ז׳

    ויגע על פי ויאמר הנה נגע זה על שפתיך וסר עונך וחטאתך תכפר׃

  23. יְחֶזְקֵאל א׳:ד׳

    וארא והנה רוח סערה באה מן הצפון ענן גדול ואש מתלקחת ונגה לו סביב ומתוכה כעין החשמל מתוך האש׃

  24. יְחֶזְקֵאל א׳:ה׳

    ומתוכה דמות ארבע חיות וזה מראיהן דמות אדם להנה׃

  25. יְחֶזְקֵאל א׳:ו׳

    וארבעה פנים לאחת וארבע כנפים לאחת להם׃