circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְחֶזְקֵאל כ״א:י״זבערך תקצ״ג לפנה״ס

    וגם אני אכה כפי אל כפי והניחתי חמתי אני יהוה דברתי׃

  2. יְחֶזְקֵאל כ״א:י״חבערך תקצ״ג לפנה״ס

    ויהי דבר יהוה אלי לאמר׃

  3. יְחֶזְקֵאל כ״א:י״טבערך תקצ״ג לפנה״ס

    ואתה בן אדם שים לך שנים דרכים לבוא חרב מלך בבל מארץ אחד יצאו שניהם ויד ברא בראש דרך עיר ברא׃

  4. יְחֶזְקֵאל כ״א:כ׳בערך תקצ״ג לפנה״ס

    דרך תשים לבוא חרב את רבת בני עמון ואת יהודה בירושלם בצורה׃

  5. יְחֶזְקֵאל כ״א:כ״אבערך תקצ״ג לפנה״ס

    כי עמד מלך בבל אל אם הדרך בראש שני הדרכים לקסם קסם קלקל בחצים שאל בתרפים ראה בכבד׃

  6. יְחֶזְקֵאל כ״א:כ״בבערך תקצ״ג לפנה״ס

    בימינו היה הקסם ירושלם לשום כרים לפתח פה ברצח להרים קול בתרועה לשום כרים על שערים לשפך סללה לבנות דיק׃

  7. יְחֶזְקֵאל כ״א:כ״גבערך תקצ״ג לפנה״ס

    והיה להם כקסום שוא בעיניהם שבעי שבעות להם והוא מזכיר עון להתפש׃

  8. יְחֶזְקֵאל כ״א:כ״דבערך תקצ״ג לפנה״ס

    לכן כה אמר אדני יהוה יען הזכרכם עונכם בהגלות פשעיכם להראות חטאותיכם בכל עלילותיכם יען הזכרכם בכף תתפשו׃

  9. יְחֶזְקֵאל כ״א:כ״הבערך תקצ״ג לפנה״ס

    ואתה חלל רשע נשיא ישראל אשר בא יומו בעת עון קץ׃

  10. יְחֶזְקֵאל כ״א:כ״ובערך תקצ״ג לפנה״ס

    כה אמר אדני יהוה הסיר המצנפת והרים העטרה זאת לא זאת השפלה הגבה והגבה השפיל׃

  11. יְחֶזְקֵאל כ״א:כ״זבערך תקצ״ג לפנה״ס

    עוה עוה עוה אשימנה גם זאת לא היה עד בא אשר לו המשפט ונתתיו׃

  12. יְחֶזְקֵאל כ״א:כ״חבערך תקצ״ג לפנה״ס

    ואתה בן אדם הנבא ואמרת כה אמר אדני יהוה אל בני עמון ואל חרפתם ואמרת חרב חרב פתוחה לטבח מרוטה להכיל למען ברק׃

  13. יְחֶזְקֵאל כ״א:כ״טבערך תקצ״ג לפנה״ס

    בחזות לך שוא בקסם לך כזב לתת אותך אל צוארי חללי רשעים אשר בא יומם בעת עון קץ׃

  14. יְחֶזְקֵאל כ״א:ל׳בערך תקצ״ג לפנה״ס

    השב אל תערה במקום אשר נבראת בארץ מכרותיך אשפט אתך׃

  15. יְחֶזְקֵאל כ״א:ל״אבערך תקצ״ג לפנה״ס

    ושפכתי עליך זעמי באש עברתי אפיח עליך ונתתיך ביד אנשים בערים חרשי משחית׃

  16. יְחֶזְקֵאל כ״א:ל״בבערך תקצ״ג לפנה״ס

    לאש תהיה לאכלה דמך יהיה בתוך הארץ לא תזכרי כי אני יהוה דברתי׃

  17. יְחֶזְקֵאל כ״ב:א׳בערך תקצ״ג לפנה״ס

    ¶ ויהי דבר יהוה אלי לאמר׃

  18. יְחֶזְקֵאל כ״ב:ב׳בערך תקצ״ג לפנה״ס

    ואתה בן אדם התשפט התשפט את עיר הדמים והודעתה את כל תועבותיה׃

  19. יְחֶזְקֵאל כ״ב:ג׳בערך תקצ״ג לפנה״ס

    ואמרת כה אמר אדני יהוה עיר שפכת דם בתוכה לבוא עתה ועשתה גלולים עליה לטמאה׃

  20. יְחֶזְקֵאל כ״ב:ד׳בערך תקצ״ג לפנה״ס

    בדמך אשר שפכת אשמת ובגלוליך אשר עשית טמאת ותקריבי ימיך ותבוא עד שנותיך על כן נתתיך חרפה לגוים וקלסה לכל הארצות׃

  21. יְחֶזְקֵאל כ״ב:ה׳בערך תקצ״ג לפנה״ס

    הקרבות והרחקות ממך יתקלסו בך טמאת השם רבת המהומה׃

  22. יְחֶזְקֵאל כ״ב:ו׳בערך תקצ״ג לפנה״ס

    הנה נשיאי ישראל איש לזרעו היו בך למען שפך דם׃

  23. יְחֶזְקֵאל כ״ב:ז׳בערך תקצ״ג לפנה״ס

    אב ואם הקלו בך לגר עשו בעשק בתוכך יתום ואלמנה הונו בך׃

  24. יְחֶזְקֵאל כ״ב:ח׳בערך תקצ״ג לפנה״ס

    קדשי בזית ואת שבתתי חללת׃

  25. יְחֶזְקֵאל כ״ב:ט׳בערך תקצ״ג לפנה״ס

    אנשי רכיל היו בך למען שפך דם ואל ההרים אכלו בך זמה עשו בתוכך׃