circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְחֶזְקֵאל כ׳:ט״זבערך תקצ״ג לפנה״ס

    יען במשפטי מאסו ואת חקותי לא הלכו בהם ואת שבתותי חללו כי אחרי גלוליהם לבם הלך׃

  2. יְחֶזְקֵאל כ׳:י״זבערך תקצ״ג לפנה״ס

    ותחס עיני עליהם משחתם ולא עשיתי אותם כלה במדבר׃

  3. יְחֶזְקֵאל כ׳:י״חבערך תקצ״ג לפנה״ס

    ואמר אל בניהם במדבר בחוקי אבותיכם אל תלכו ואת משפטיהם אל תשמרו ובגלוליהם אל תטמאו׃

  4. יְחֶזְקֵאל כ׳:י״טבערך תקצ״ג לפנה״ס

    אני יהוה אלהיכם בחקותי לכו ואת משפטי שמרו ועשו אותם׃

  5. יְחֶזְקֵאל כ׳:כ׳בערך תקצ״ג לפנה״ס

    ואת שבתותי קדשו והיו לאות ביני וביניכם לדעת כי אני יהוה אלהיכם׃

  6. יְחֶזְקֵאל כ׳:כ״אבערך תקצ״ג לפנה״ס

    וימרו בי הבנים בחקותי לא הלכו ואת משפטי לא שמרו לעשות אותם אשר יעשה אותם האדם וחי בהם את שבתותי חללו ואמר לשפך חמתי עליהם לכלות אפי בם במדבר׃

  7. יְחֶזְקֵאל כ׳:כ״בבערך תקצ״ג לפנה״ס

    והשבתי את ידי ואעש למען שמי לבלתי החל לעיני הגוים אשר הוצאתי אותם לעיניהם׃

  8. יְחֶזְקֵאל כ׳:כ״גבערך תקצ״ג לפנה״ס

    גם אני נשאתי את ידי להם במדבר להפיץ אתם בגוים ולזרות אותם בארצות׃

  9. יְחֶזְקֵאל כ׳:כ״דבערך תקצ״ג לפנה״ס

    יען משפטי לא עשו וחקותי מאסו ואת שבתותי חללו ואחרי גלולי אבותם היו עיניהם׃

  10. יְחֶזְקֵאל כ׳:כ״הבערך תקצ״ג לפנה״ס

    וגם אני נתתי להם חקים לא טובים ומשפטים לא יחיו בהם׃

  11. יְחֶזְקֵאל כ׳:כ״ובערך תקצ״ג לפנה״ס

    ואטמא אותם במתנותם בהעביר כל פטר רחם למען אשמם למען אשר ידעו אשר אני יהוה׃

  12. יְחֶזְקֵאל כ׳:כ״זבערך תקצ״ג לפנה״ס

    לכן דבר אל בית ישראל בן אדם ואמרת אליהם כה אמר אדני יהוה עוד זאת גדפו אותי אבותיכם במעלם בי מעל׃

  13. יְחֶזְקֵאל כ׳:כ״חבערך תקצ״ג לפנה״ס

    ואביאם אל הארץ אשר נשאתי את ידי לתת אותה להם ויראו כל גבעה רמה וכל עץ עבת ויזבחו שם את זבחיהם ויתנו שם כעס קרבנם וישימו שם ריח ניחוחיהם ויסיכו שם את נסכיהם׃

  14. יְחֶזְקֵאל כ׳:כ״טבערך תקצ״ג לפנה״ס

    ואמר אלהם מה הבמה אשר אתם הבאים שם ויקרא שמה במה עד היום הזה׃

  15. יְחֶזְקֵאל כ׳:ל׳בערך תקצ״ג לפנה״ס

    לכן אמר אל בית ישראל כה אמר אדני יהוה הבדרך אבותיכם אתם נטמאים ואחרי שקוציהם אתם זנים׃

  16. יְחֶזְקֵאל כ׳:ל״אבערך תקצ״ג לפנה״ס

    ובשאת מתנתיכם בהעביר בניכם באש אתם נטמאים לכל גלוליכם עד היום ואני אדרש לכם בית ישראל חי אני נאם אדני יהוה אם אדרש לכם׃

  17. יְחֶזְקֵאל כ׳:ל״בבערך תקצ״ג לפנה״ס

    והעלה על רוחכם היו לא תהיה אשר אתם אמרים נהיה כגוים כמשפחות הארצות לשרת עץ ואבן׃

  18. יְחֶזְקֵאל כ׳:ל״גבערך תקצ״ג לפנה״ס

    חי אני נאם אדני יהוה אם לא ביד חזקה ובזרוע נטויה ובחמה שפוכה אמלוך עליכם׃

  19. יְחֶזְקֵאל כ׳:ל״דבערך תקצ״ג לפנה״ס

    והוצאתי אתכם מן העמים וקבצתי אתכם מן הארצות אשר נפוצתם בם ביד חזקה ובזרוע נטויה ובחמה שפוכה׃

  20. יְחֶזְקֵאל כ׳:ל״הבערך תקצ״ג לפנה״ס

    והבאתי אתכם אל מדבר העמים ונשפטתי אתכם שם פנים אל פנים׃

  21. יְחֶזְקֵאל כ׳:ל״ובערך תקצ״ג לפנה״ס

    כאשר נשפטתי את אבותיכם במדבר ארץ מצרים כן אשפט אתכם נאם אדני יהוה׃

  22. יְחֶזְקֵאל כ׳:ל״זבערך תקצ״ג לפנה״ס

    והעברתי אתכם תחת השבט והבאתי אתכם במסרת הברית׃

  23. יְחֶזְקֵאל כ׳:ל״חבערך תקצ״ג לפנה״ס

    וברותי מכם המרדים והפושעים בי מארץ מגוריהם אוציא אותם ואל אדמת ישראל לא יבוא וידעתם כי אני יהוה׃

  24. יְחֶזְקֵאל כ׳:ל״טבערך תקצ״ג לפנה״ס

    ואתם בית ישראל כה אמר אדני יהוה איש גלוליו לכו עבדו ואחר אם אינכם שמעים אלי ואת שם קדשי לא תחללו עוד במתנותיכם ובגלוליכם׃

  25. יְחֶזְקֵאל כ׳:מ׳בערך תקצ״ג לפנה״ס

    כי בהר קדשי בהר מרום ישראל נאם אדני יהוה שם יעבדני כל בית ישראל כלה בארץ שם ארצם ושם אדרוש את תרומתיכם ואת ראשית משאותיכם בכל קדשיכם׃