circa 605–538 BC

The Babylonian Exile

Jerusalem falls and the temple burns; Ezekiel and Daniel minister among the exiles as Lamentations mourns the city's ruin.

1,784 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְחֶזְקֵאל י״ט:ה׳בערך תקצ״ד לפנה״ס

    ותרא כי נוחלה אבדה תקותה ותקח אחד מגריה כפיר שמתהו׃

  2. יְחֶזְקֵאל י״ט:ו׳בערך תקצ״ד לפנה״ס

    ויתהלך בתוך אריות כפיר היה וילמד לטרף טרף אדם אכל׃

  3. יְחֶזְקֵאל י״ט:ז׳בערך תקצ״ד לפנה״ס

    וידע אלמנותיו ועריהם החריב ותשם ארץ ומלאה מקול שאגתו׃

  4. יְחֶזְקֵאל י״ט:ח׳בערך תקצ״ד לפנה״ס

    ויתנו עליו גוים סביב ממדינות ויפרשו עליו רשתם בשחתם נתפש׃

  5. יְחֶזְקֵאל י״ט:ט׳בערך תקצ״ד לפנה״ס

    ויתנהו בסוגר בחחים ויבאהו אל מלך בבל יבאהו במצדות למען לא ישמע קולו עוד אל הרי ישראל׃

  6. יְחֶזְקֵאל י״ט:י׳בערך תקצ״ד לפנה״ס

    אמך כגפן בדמך על מים שתולה פריה וענפה היתה ממים רבים׃

  7. יְחֶזְקֵאל י״ט:י״אבערך תקצ״ד לפנה״ס

    ויהיו לה מטות עז אל שבטי משלים ותגבה קומתו על בין עבתים וירא בגבהו ברב דליתיו׃

  8. יְחֶזְקֵאל י״ט:י״בבערך תקצ״ד לפנה״ס

    ותתש בחמה לארץ השלכה ורוח הקדים הוביש פריה התפרקו ויבשו מטה עזה אש אכלתהו׃

  9. יְחֶזְקֵאל י״ט:י״גבערך תקצ״ד לפנה״ס

    ועתה שתולה במדבר בארץ ציה וצמא׃

  10. יְחֶזְקֵאל י״ט:י״דבערך תקצ״ד לפנה״ס

    ותצא אש ממטה בדיה פריה אכלה ולא היה בה מטה עז שבט למשול קינה היא ותהי לקינה׃

  11. יְחֶזְקֵאל כ׳:א׳בערך תקצ״ג לפנה״ס

    ¶ ויהי בשנה השביעית בחמשי בעשור לחדש באו אנשים מזקני ישראל לדרש את יהוה וישבו לפני׃

  12. יְחֶזְקֵאל כ׳:ב׳בערך תקצ״ג לפנה״ס

    ויהי דבר יהוה אלי לאמר׃

  13. יְחֶזְקֵאל כ׳:ג׳בערך תקצ״ג לפנה״ס

    בן אדם דבר את זקני ישראל ואמרת אלהם כה אמר אדני יהוה הלדרש אתי אתם באים חי אני אם אדרש לכם נאם אדני יהוה׃

  14. יְחֶזְקֵאל כ׳:ד׳בערך תקצ״ג לפנה״ס

    התשפט אתם התשפוט בן אדם את תועבת אבותם הודיעם׃

  15. יְחֶזְקֵאל כ׳:ה׳בערך תקצ״ג לפנה״ס

    ואמרת אליהם כה אמר אדני יהוה ביום בחרי בישראל ואשא ידי לזרע בית יעקב ואודע להם בארץ מצרים ואשא ידי להם לאמר אני יהוה אלהיכם׃

  16. יְחֶזְקֵאל כ׳:ו׳בערך תקצ״ג לפנה״ס

    ביום ההוא נשאתי ידי להם להוציאם מארץ מצרים אל ארץ אשר תרתי להם זבת חלב ודבש צבי היא לכל הארצות׃

  17. יְחֶזְקֵאל כ׳:ז׳בערך תקצ״ג לפנה״ס

    ואמר אלהם איש שקוצי עיניו השליכו ובגלולי מצרים אל תטמאו אני יהוה אלהיכם׃

  18. יְחֶזְקֵאל כ׳:ח׳בערך תקצ״ג לפנה״ס

    וימרו בי ולא אבו לשמע אלי איש את שקוצי עיניהם לא השליכו ואת גלולי מצרים לא עזבו ואמר לשפך חמתי עליהם לכלות אפי בהם בתוך ארץ מצרים׃

  19. יְחֶזְקֵאל כ׳:ט׳בערך תקצ״ג לפנה״ס

    ואעש למען שמי לבלתי החל לעיני הגוים אשר המה בתוכם אשר נודעתי אליהם לעיניהם להוציאם מארץ מצרים׃

  20. יְחֶזְקֵאל כ׳:י׳בערך תקצ״ג לפנה״ס

    ואוציאם מארץ מצרים ואבאם אל המדבר׃

  21. יְחֶזְקֵאל כ׳:י״אבערך תקצ״ג לפנה״ס

    ואתן להם את חקותי ואת משפטי הודעתי אותם אשר יעשה אותם האדם וחי בהם׃

  22. יְחֶזְקֵאל כ׳:י״בבערך תקצ״ג לפנה״ס

    וגם את שבתותי נתתי להם להיות לאות ביני וביניהם לדעת כי אני יהוה מקדשם׃

  23. יְחֶזְקֵאל כ׳:י״גבערך תקצ״ג לפנה״ס

    וימרו בי בית ישראל במדבר בחקותי לא הלכו ואת משפטי מאסו אשר יעשה אתם האדם וחי בהם ואת שבתתי חללו מאד ואמר לשפך חמתי עליהם במדבר לכלותם׃

  24. יְחֶזְקֵאל כ׳:י״דבערך תקצ״ג לפנה״ס

    ואעשה למען שמי לבלתי החל לעיני הגוים אשר הוצאתים לעיניהם׃

  25. יְחֶזְקֵאל כ׳:ט״ובערך תקצ״ג לפנה״ס

    וגם אני נשאתי ידי להם במדבר לבלתי הביא אותם אל הארץ אשר נתתי זבת חלב ודבש צבי היא לכל הארצות׃