circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים ד׳:כ״דבערך תי״ד לפנה״ס

    כי הוא רדה בכל עבר הנהר מתפסח ועד עזה בכל מלכי עבר הנהר ושלום היה לו מכל עבריו מסביב׃

  2. 1 מְלָכִים ד׳:כ״הבערך תי״ד לפנה״ס

    וישב יהודה וישראל לבטח איש תחת גפנו ותחת תאנתו מדן ועד באר שבע כל ימי שלמה׃

  3. 1 מְלָכִים ד׳:כ״ובערך תי״ד לפנה״ס

    ויהי לשלמה ארבעים אלף ארות סוסים למרכבו ושנים עשר אלף פרשים׃

  4. 1 מְלָכִים ד׳:כ״זבערך תי״ד לפנה״ס

    וכלכלו הנצבים האלה את המלך שלמה ואת כל הקרב אל שלחן המלך שלמה איש חדשו לא יעדרו דבר׃

  5. 1 מְלָכִים ד׳:כ״חבערך תי״ד לפנה״ס

    והשערים והתבן לסוסים ולרכש יבאו אל המקום אשר יהיה שם איש כמשפטו׃

  6. 1 מְלָכִים ד׳:כ״טבערך תי״ד לפנה״ס

    ויתן אלהים חכמה לשלמה ותבונה הרבה מאד ורחב לב כחול אשר על שפת הים׃

  7. 1 מְלָכִים ד׳:ל׳בערך תי״ד לפנה״ס

    ותרב חכמת שלמה מחכמת כל בני קדם ומכל חכמת מצרים׃

  8. 1 מְלָכִים ד׳:ל״אבערך תי״ד לפנה״ס

    ויחכם מכל האדם מאיתן האזרחי והימן וכלכל ודרדע בני מחול ויהי שמו בכל הגוים סביב׃

  9. 1 מְלָכִים ד׳:ל״בבערך תי״ד לפנה״ס

    וידבר שלשת אלפים משל ויהי שירו חמשה ואלף׃

  10. 1 מְלָכִים ד׳:ל״גבערך תי״ד לפנה״ס

    וידבר על העצים מן הארז אשר בלבנון ועד האזוב אשר יצא בקיר וידבר על הבהמה ועל העוף ועל הרמש ועל הדגים׃

  11. 1 מְלָכִים ד׳:ל״דבערך תי״ד לפנה״ס

    ויבאו מכל העמים לשמע את חכמת שלמה מאת כל מלכי הארץ אשר שמעו את חכמתו׃

  12. 1 מְלָכִים ה׳:א׳בערך תי״ד לפנה״ס

    ¶ וישלח חירם מלך צור את עבדיו אל שלמה כי שמע כי אתו משחו למלך תחת אביהו כי אהב היה חירם לדוד כל הימים׃

  13. 1 מְלָכִים ה׳:ב׳בערך תי״ד לפנה״ס

    וישלח שלמה אל חירם לאמר׃

  14. 1 מְלָכִים ה׳:ג׳בערך תי״ד לפנה״ס

    אתה ידעת את דוד אבי כי לא יכל לבנות בית לשם יהוה אלהיו מפני המלחמה אשר סבבהו עד תת יהוה אתם תחת כפות רגלו׃

  15. 1 מְלָכִים ה׳:ד׳בערך תי״ד לפנה״ס

    ועתה הניח יהוה אלהי לי מסביב אין שטן ואין פגע רע׃

  16. 1 מְלָכִים ה׳:ה׳בערך תי״ד לפנה״ס

    והנני אמר לבנות בית לשם יהוה אלהי כאשר דבר יהוה אל דוד אבי לאמר בנך אשר אתן תחתיך על כסאך הוא יבנה הבית לשמי׃

  17. 1 מְלָכִים ה׳:ו׳בערך תי״ד לפנה״ס

    ועתה צוה ויכרתו לי ארזים מן הלבנון ועבדי יהיו עם עבדיך ושכר עבדיך אתן לך ככל אשר תאמר כי אתה ידעת כי אין בנו איש ידע לכרת עצים כצדנים׃

  18. 1 מְלָכִים ה׳:ז׳בערך תי״ד לפנה״ס

    ויהי כשמע חירם את דברי שלמה וישמח מאד ויאמר ברוך יהוה היום אשר נתן לדוד בן חכם על העם הרב הזה׃

  19. 1 מְלָכִים ה׳:ח׳בערך תי״ד לפנה״ס

    וישלח חירם אל שלמה לאמר שמעתי את אשר שלחת אלי אני אעשה את כל חפצך בעצי ארזים ובעצי ברושים׃

  20. 1 מְלָכִים ה׳:ט׳בערך תי״ד לפנה״ס

    עבדי ירדו מן הלבנון ימה ואני אשימם דברות בים עד המקום אשר תשלח אלי ונפצתים שם ואתה תשא ואתה תעשה את חפצי לתת לחם ביתי׃

  21. 1 מְלָכִים ה׳:י׳בערך תי״ד לפנה״ס

    ויהי חירום נתן לשלמה עצי ארזים ועצי ברושים כל חפצו׃

  22. 1 מְלָכִים ה׳:י״אבערך תי״ד לפנה״ס

    ושלמה נתן לחירם עשרים אלף כר חטים מכלת לביתו ועשרים כר שמן כתית כה יתן שלמה לחירם שנה בשנה׃

  23. 1 מְלָכִים ה׳:י״בבערך תי״ד לפנה״ס

    ויהוה נתן חכמה לשלמה כאשר דבר לו ויהי שלם בין חירם ובין שלמה ויכרתו ברית שניהם׃

  24. 1 מְלָכִים ה׳:י״גבערך תי״ד לפנה״ס

    ויעל המלך שלמה מס מכל ישראל ויהי המס שלשים אלף איש׃

  25. 1 מְלָכִים ה׳:י״דבערך תי״ד לפנה״ס

    וישלחם לבנונה עשרת אלפים בחדש חליפות חדש יהיו בלבנון שנים חדשים בביתו ואדנירם על המס׃