Jesus

והוא גדול יהיה ובן עליון יקרא ויהוה אלהים יתן לו את כסא דוד אביו׃

ועל בית יעקב ימלך לעולם ועד ולמלכותו אין קץ׃

ויען המלאך ויאמר אליה רוח הקדש תבוא עליך וגבורת עליון תצל עליך על כן גם לקדוש הילוד יקרא בן אלהים׃

ותאמר מרים הנני שפחת יהוה יהי לי כדברך ויצא מאתה המלאך׃

ומאין לי זאת אשר אם אדני באה אלי׃

ואשרי המאמינה כי המלא תמלא אשר דבר לה מאת יהוה׃

ותגל רוחי באלהי ישעי׃

גבורות עשה בזרעו פזר גאים במזמות לבבם׃

תמך בישראל עבדו לזכר את רחמיו׃

וישמעו שכניה וקרוביה כי הגדיל יהוה את חסדו עמה וישמחו אתה׃

וירם לנו קרן ישועה בבית דוד עבדו׃

את השבועה אשר נשבע לאברהם אבינו׃

להצילנו מיד איבינו ולתתנו לעבדו בלי פחד׃

בתמים ובצדקה לפניו כל ימי חיינו׃

ותלד את בנה הבכור ותחתלהו ותשכיבהו באבוס כי לא היה להם מקום במלון׃

כי היום ילד לכם בעיר דוד מושיע אשר הוא המשיח האדון׃

וימהרו לבוא וימצאו את מרים ואת יוסף ואת הילד שכב באבוס׃

ויראו וישמיעו את הדבר הנאמר אליהם על הגער הזה׃

ויהי במלאת לנער שמנה ימים וימול ויקרא שמו ישוע כשם אשר קרא לו המלאך בטרם הרה בבטן׃

וימלאו ימי טהרה לפי תורת משה ויעלהו לירושלים להעמידו לפני יהוה׃

כאשר כתוב בתורת יהוה כל זכר פטר רחם יקרא קדש ליהוה׃

ולו נגלה ברוח הקדש כי לא יראה מות עד ראותו את משיח יהוה׃

ויבא ברוח אל המקדש ויהי כאשר הביאו הוריו את הנער ישוע לעשות עליו כמשפט התורה׃

ויקחהו על זרעותיו ויברך את האלהים ויאמר׃

עתה תפטר את עבדך כדברך אדני בשלום׃