TRV
Jesus
ידוע גם בשם: Jesus Christ, Immanuel, Emmanuel, Christ
פסוקים המזכירים את Jesus
ויוסף ואמו תמהים על הדברים הנאמרים עליו׃
ויברך אותם שמעון ויאמר אל מרים אמו הנה זה מוסד לנפילה ולתקומה לרבים בישראל ולאות מריבה׃
והיא אלמנה כארבע ושמנים שנה ולא משה מן המקדש ובצום ובתחנונים עבדה את האלהים לילה ויום׃
ותקם בשעה ההיא ותגש להדות ליהוה ותדבר עליו באזני כל המחכים לגאלה בירושלים׃
ויגדל הנער ויחזק ברוח וימלא חכמה וחסד אלהים עמו׃
ועלו הוריו ירושלים שנה בשנה לחג הפסח׃
ויהי בהיותו בן שתים עשרה שנה ויעלו ירושלים כמשפט החג׃
וימלאו את הימים וישובו ויותר ישוע הנער בירושלים ויוסף ואמו לא ידעו׃
ויחשבו כי עם חבל הארחים הוא וילכו כדרך יום ויבקשהו בין הקרובים והמידעים׃
ולא מצאהו וישבו ירושלים לבקשו׃
ויהי אחרי שלשת ימים וימצאהו במקדש ישב בתוך המורים שמע אליהם ושאל אתם׃
וכל השמעים אליו השתוממו על שכלו ועל תשובתיו׃
ויהי כראותם אתו ויחרדו ותאמר אליו אמו בני מדוע ככה עשית לנו הנה אביך ואנכי בעצבת לב בקשנוך׃
ויאמר אליהם למה זה בקשתם אתי הלא ידעתם כי עלי להיות באשר לאבי׃
והם לא הבינו את הדבר אשר דבר אליהם׃
וירד אתם ויבא אל נצרת ויכנע להם ואמו שמרה בלבה את כל הדברים האלה׃
וישוע הלך וגדל בחכמה ומקומה ובחן עם אלהים ועם אנשים׃
ככתוב בספר דברי ישעיהו הנביא קול קורא במדבר פנו דרך יהוה ישרו מסלותיו׃
ויהי כאשר חכה העם וכלם חשבים בלבם לאמר אולי יוחנן הוא המשיח׃
ויען יוחנן ויאמר לכלם הן אני טובל אתכם במים אבל בוא יבוא החזק ממני אשר אינני כדי להתיר את שרוך נעליו הוא יטבל אתכם ברוח הקדש ובאש׃
אשר המזרה בידו להבר את גרנו ויאסף את דגנו אל אוצרו ואת המץ ישרפנו באש אשר לא תכבה׃
ויהי בהטבל כל העם וגם ישוע נטבל ומתפלל ויפתחו השמים׃
וירד עליו רוח הקדש בדמות גוף כיונה ויהי קול מן השמים ויאמר אתה בני ידידי בך רצתה נפשי׃
והוא ישוע בהחלו היה כבן שלשים שנה ויחשבהו לבן יוסף בן עלי׃
¶ וישוע שב מן הירדן מלא רוח הקדש וינהגהו הרוח המדברה׃