God

יקרא אל השמים מעל ואל הארץ לדין עמו׃

אספו לי חסידי כרתי בריתי עלי זבח׃

ויגידו שמים צדקו כי אלהים שפט הוא סלה׃

שמעה עמי ואדברה ישראל ואעידה בך אלהים אלהיך אנכי׃

לא על זבחיך אוכיחך ועולתיך לנגדי תמיד׃

לא אקח מביתך פר ממכלאתיך עתודים׃

כי לי כל חיתו יער בהמות בהררי אלף׃

ידעתי כל עוף הרים וזיז שדי עמדי׃

אם ארעב לא אמר לך כי לי תבל ומלאה׃

האוכל בשר אבירים ודם עתודים אשתה׃

זבח לאלהים תודה ושלם לעליון נדריך׃

וקראני ביום צרה אחלצך ותכבדני׃

ולרשע אמר אלהים מה לך לספר חקי ותשא בריתי עלי פיך׃

ואתה שנאת מוסר ותשלך דברי אחריך׃

אלה עשית והחרשתי דמית היות אהיה כמוך אוכיחך ואערכה לעיניך׃

בינו נא זאת שכחי אלוה פן אטרף ואין מציל׃

זבח תודה יכבדנני ושם דרך אראנו בישע אלהים׃

¶ למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי׃

לך לבדך חטאתי והרע בעיניך עשיתי למען תצדק בדברך תזכה בשפטך׃

הן אמת חפצת בטחות ובסתם חכמה תודיעני׃

תשמיעני ששון ושמחה תגלנה עצמות דכית׃

הסתר פניך מחטאי וכל עונתי מחה׃

לב טהור ברא לי אלהים ורוח נכון חדש בקרבי׃

אל תשליכני מלפניך ורוח קדשך אל תקח ממני׃

השיבה לי ששון ישעך ורוח נדיבה תסמכני׃