God

אתה הוא מלכי אלהים צוה ישועות יעקב׃

בך צרינו ננגח בשמך נבוס קמינו׃

כי הושעתנו מצרינו ומשנאינו הבישות׃

באלהים הללנו כל היום ושמך לעולם נודה סלה׃

אף זנחת ותכלימנו ולא תצא בצבאותינו׃

תמכר עמך בלא הון ולא רבית במחיריהם׃

כל זאת באתנו ולא שכחנוך ולא שקרנו בבריתך׃

לא נסוג אחור לבנו ותט אשרינו מני ארחך׃

כי דכיתנו במקום תנים ותכס עלינו בצלמות׃

אם שכחנו שם אלהינו ונפרש כפינו לאל זר׃

הלא אלהים יחקר זאת כי הוא ידע תעלמות לב׃

כי עליך הרגנו כל היום נחשבנו כצאן טבחה׃

עורה למה תישן אדני הקיצה אל תזנח לנצח׃

למה פניך תסתיר תשכח ענינו ולחצנו׃

קומה עזרתה לנו ופדנו למען חסדך׃

יפיפית מבני אדם הוצק חן בשפתותיך על כן ברכך אלהים לעולם׃

כסאך אלהים עולם ועד שבט מישר שבט מלכותך׃

אהבת צדק ותשנא רשע על כן משחך אלהים אלהיך שמן ששון מחבריך׃

מר ואהלות קציעות כל בגדתיך מן היכלי שן מני שמחוך׃

בנות מלכים ביקרותיך נצבה שגל לימינך בכתם אופיר׃

ויתאו המלך יפיך כי הוא אדניך והשתחוי לו׃

¶ למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

נהר פלגיו ישמחו עיר אלהים קדש משכני עליון׃

אלהים בקרבה בל תמוט יעזרה אלהים לפנות בקר׃

המו גוים מטו ממלכות נתן בקולו תמוג ארץ׃