God

יהוה צבאות עמנו משגב לנו אלהי יעקב סלה׃

לכו חזו מפעלות יהוה אשר שם שמות בארץ׃

משבית מלחמות עד קצה הארץ קשת ישבר וקצץ חנית עגלות ישרף באש׃

הרפו ודעו כי אנכי אלהים ארום בגוים ארום בארץ׃

יהוה צבאות עמנו משגב לנו אלהי יעקב סלה׃

¶ למנצח לבני קרח מזמור כל העמים תקעו כף הריעו לאלהים בקול רנה׃

כי יהוה עליון נורא מלך גדול על כל הארץ׃

יבחר לנו את נחלתנו את גאון יעקב אשר אהב סלה׃

עלה אלהים בתרועה יהוה בקול שופר׃

זמרו אלהים זמרו זמרו למלכנו זמרו׃

כי מלך כל הארץ אלהים זמרו משכיל׃

מלך אלהים על גוים אלהים ישב על כסא קדשו׃

נדיבי עמים נאספו עם אלהי אברהם כי לאלהים מגני ארץ מאד נעלה׃

¶ שיר מזמור לבני קרח גדול יהוה ומהלל מאד בעיר אלהינו הר קדשו׃

אלהים בארמנותיה נודע למשגב׃

כאשר שמענו כן ראינו בעיר יהוה צבאות בעיר אלהינו אלהים יכוננה עד עולם סלה׃

דמינו אלהים חסדך בקרב היכלך׃

כשמך אלהים כן תהלתך על קצוי ארץ צדק מלאה ימינך׃

ישמח הר ציון תגלנה בנות יהודה למען משפטיך׃

כי זה אלהים אלהינו עולם ועד הוא ינהגנו על מות׃

אח לא פדה יפדה איש לא יתן לאלהים כפרו׃

אך אלהים יפדה נפשי מיד שאול כי יקחני סלה׃

¶ מזמור לאסף אל אלהים יהוה דבר ויקרא ארץ ממזרח שמש עד מבאו׃

מציון מכלל יפי אלהים הופיע׃

יבא אלהינו ואל יחרש אש לפניו תאכל וסביביו נשערה מאד׃