God

אשר יחדו נמתיק סוד בבית אלהים נהלך ברגש׃

אני אל אלהים אקרא ויהוה יושיעני׃

ערב ובקר וצהרים אשיחה ואהמה וישמע קולי׃

ישמע אל ויענם וישב קדם סלה אשר אין חליפות למו ולא יראו אלהים׃

השלך על יהוה יהבך והוא יכלכלך לא יתן לעולם מוט לצדיק׃

ואתה אלהים תורדם לבאר שחת אנשי דמים ומרמה לא יחצו ימיהם ואני אבטח בך׃

¶ למנצח על יונת אלם רחקים לדוד מכתם באחז אתו פלשתים בגת חנני אלהים כי שאפני אנוש כל היום לחם ילחצני׃

שאפו שוררי כל היום כי רבים לחמים לי מרום׃

יום אירא אני אליך אבטח׃

באלהים אהלל דברו באלהים בטחתי לא אירא מה יעשה בשר לי׃

על און פלט למו באף עמים הורד אלהים׃

נדי ספרתה אתה שימה דמעתי בנאדך הלא בספרתך׃

אז ישובו אויבי אחור ביום אקרא זה ידעתי כי אלהים לי׃

באלהים אהלל דבר ביהוה אהלל דבר׃

באלהים בטחתי לא אירא מה יעשה אדם לי׃

עלי אלהים נדריך אשלם תודת לך׃

כי הצלת נפשי ממות הלא רגלי מדחי להתהלך לפני אלהים באור החיים׃

¶ למנצח אל תשחת לדוד מכתם בברחו מפני שאול במערה חנני אלהים חנני כי בך חסיה נפשי ובצל כנפיך אחסה עד יעבר הוות׃

אקרא לאלהים עליון לאל גמר עלי׃

ישלח משמים ויושיעני חרף שאפי סלה ישלח אלהים חסדו ואמתו׃

רומה על השמים אלהים על כל הארץ כבודך׃

נכון לבי אלהים נכון לבי אשירה ואזמרה׃

אודך בעמים אדני אזמרך בל אמים׃

כי גדל עד שמים חסדך ועד שחקים אמתך׃

רומה על שמים אלהים על כל הארץ כבודך׃