עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 2 דִּבְרֵי הַיָּמִים י״ט:ו׳

    ויאמר אל השפטים ראו מה אתם עשים כי לא לאדם תשפטו כי ליהוה ועמכם בדבר משפט׃

  2. 2 דִּבְרֵי הַיָּמִים י״ט:ז׳

    ועתה יהי פחד יהוה עליכם שמרו ועשו כי אין עם יהוה אלהינו עולה ומשא פנים ומקח שחד׃

  3. 2 דִּבְרֵי הַיָּמִים י״ט:ח׳

    וגם בירושלם העמיד יהושפט מן הלוים והכהנים ומראשי האבות לישראל למשפט יהוה ולריב וישבו ירושלם׃

  4. 2 דִּבְרֵי הַיָּמִים י״ט:ט׳

    ויצו עליהם לאמר כה תעשון ביראת יהוה באמונה ובלבב שלם׃

  5. 2 דִּבְרֵי הַיָּמִים י״ט:י׳

    וכל ריב אשר יבוא עליכם מאחיכם הישבים בעריהם בין דם לדם בין תורה למצוה לחקים ולמשפטים והזהרתם אתם ולא יאשמו ליהוה והיה קצף עליכם ועל אחיכם כה תעשון ולא תאשמו׃

  6. 2 דִּבְרֵי הַיָּמִים י״ט:י״א

    והנה אמריהו כהן הראש עליכם לכל דבר יהוה וזבדיהו בן ישמעאל הנגיד לבית יהודה לכל דבר המלך ושטרים הלוים לפניכם חזקו ועשו ויהי יהוה עם הטוב׃

  7. 2 דִּבְרֵי הַיָּמִים כ׳:ג׳

    וירא ויתן יהושפט את פניו לדרוש ליהוה ויקרא צום על כל יהודה׃

  8. 2 דִּבְרֵי הַיָּמִים כ׳:ד׳

    ויקבצו יהודה לבקש מיהוה גם מכל ערי יהודה באו לבקש את יהוה׃

  9. 2 דִּבְרֵי הַיָּמִים כ׳:ה׳

    ויעמד יהושפט בקהל יהודה וירושלם בבית יהוה לפני החצר החדשה׃

  10. 2 דִּבְרֵי הַיָּמִים כ׳:ו׳

    ויאמר יהוה אלהי אבתינו הלא אתה הוא אלהים בשמים ואתה מושל בכל ממלכות הגוים ובידך כח וגבורה ואין עמך להתיצב׃

  11. 2 דִּבְרֵי הַיָּמִים כ׳:ז׳

    הלא אתה אלהינו הורשת את ישבי הארץ הזאת מלפני עמך ישראל ותתנה לזרע אברהם אהבך לעולם׃

  12. 2 דִּבְרֵי הַיָּמִים כ׳:ח׳

    וישבו בה ויבנו לך בה מקדש לשמך לאמר׃

  13. 2 דִּבְרֵי הַיָּמִים כ׳:ט׳

    אם תבוא עלינו רעה חרב שפוט ודבר ורעב נעמדה לפני הבית הזה ולפניך כי שמך בבית הזה ונזעק אליך מצרתנו ותשמע ותושיע׃

  14. 2 דִּבְרֵי הַיָּמִים כ׳:י׳

    ועתה הנה בני עמון ומואב והר שעיר אשר לא נתתה לישראל לבוא בהם בבאם מארץ מצרים כי סרו מעליהם ולא השמידום׃

  15. 2 דִּבְרֵי הַיָּמִים כ׳:י״א

    והנה הם גמלים עלינו לבוא לגרשנו מירשתך אשר הורשתנו׃

  16. 2 דִּבְרֵי הַיָּמִים כ׳:י״ב

    אלהינו הלא תשפט בם כי אין בנו כח לפני ההמון הרב הזה הבא עלינו ואנחנו לא נדע מה נעשה כי עליך עינינו׃

  17. 2 דִּבְרֵי הַיָּמִים כ׳:י״ג

    וכל יהודה עמדים לפני יהוה גם טפם נשיהם ובניהם׃

  18. 2 דִּבְרֵי הַיָּמִים כ׳:י״ד

    ויחזיאל בן זכריהו בן בניה בן יעיאל בן מתניה הלוי מן בני אסף היתה עליו רוח יהוה בתוך הקהל׃

  19. 2 דִּבְרֵי הַיָּמִים כ׳:ט״ו

    ויאמר הקשיבו כל יהודה וישבי ירושלם והמלך יהושפט כה אמר יהוה לכם אתם אל תיראו ואל תחתו מפני ההמון הרב הזה כי לא לכם המלחמה כי לאלהים׃

  20. 2 דִּבְרֵי הַיָּמִים כ׳:י״ז

    לא לכם להלחם בזאת התיצבו עמדו וראו את ישועת יהוה עמכם יהודה וירושלם אל תיראו ואל תחתו מחר צאו לפניהם ויהוה עמכם׃

  21. 2 דִּבְרֵי הַיָּמִים כ׳:י״ח

    ויקד יהושפט אפים ארצה וכל יהודה וישבי ירושלם נפלו לפני יהוה להשתחות ליהוה׃

  22. 2 דִּבְרֵי הַיָּמִים כ׳:י״ט

    ויקמו הלוים מן בני הקהתים ומן בני הקרחים להלל ליהוה אלהי ישראל בקול גדול למעלה׃

  23. 2 דִּבְרֵי הַיָּמִים כ׳:כ׳

    וישכימו בבקר ויצאו למדבר תקוע ובצאתם עמד יהושפט ויאמר שמעוני יהודה וישבי ירושלם האמינו ביהוה אלהיכם ותאמנו האמינו בנביאיו והצליחו׃

  24. 2 דִּבְרֵי הַיָּמִים כ׳:כ״א

    ויועץ אל העם ויעמד משררים ליהוה ומהללים להדרת קדש בצאת לפני החלוץ ואמרים הודו ליהוה כי לעולם חסדו׃

  25. 2 דִּבְרֵי הַיָּמִים כ׳:כ״ב

    ובעת החלו ברנה ותהלה נתן יהוה מארבים על בני עמון מואב והר שעיר הבאים ליהודה וינגפו׃