עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. שֹׁפְטִים י״ג:כ״ה

    ותחל רוח יהוה לפעמו במחנה דן בין צרעה ובין אשתאל׃

  2. שֹׁפְטִים י״ד:ד׳

    ואביו ואמו לא ידעו כי מיהוה היא כי תאנה הוא מבקש מפלשתים ובעת ההיא פלשתים משלים בישראל׃

  3. שֹׁפְטִים י״ד:ו׳

    ותצלח עליו רוח יהוה וישסעהו כשסע הגדי ומאומה אין בידו ולא הגיד לאביו ולאמו את אשר עשה׃

  4. שֹׁפְטִים י״ד:י״ט

    ותצלח עליו רוח יהוה וירד אשקלון ויך מהם שלשים איש ויקח את חליצותם ויתן החליפות למגידי החידה ויחר אפו ויעל בית אביהו׃

  5. שֹׁפְטִים ט״ו:י״ד

    הוא בא עד לחי ופלשתים הריעו לקראתו ותצלח עליו רוח יהוה ותהיינה העבתים אשר על זרועותיו כפשתים אשר בערו באש וימסו אסוריו מעל ידיו׃

  6. שֹׁפְטִים ט״ו:י״ח

    ויצמא מאד ויקרא אל יהוה ויאמר אתה נתת ביד עבדך את התשועה הגדלה הזאת ועתה אמות בצמא ונפלתי ביד הערלים׃

  7. שֹׁפְטִים ט״ו:י״ט

    ויבקע אלהים את המכתש אשר בלחי ויצאו ממנו מים וישת ותשב רוחו ויחי על כן קרא שמה עין הקורא אשר בלחי עד היום הזה׃

  8. שֹׁפְטִים ט״ז:י״ז

    ויגד לה את כל לבו ויאמר לה מורה לא עלה על ראשי כי נזיר אלהים אני מבטן אמי אם גלחתי וסר ממני כחי וחליתי והייתי ככל האדם׃

  9. שֹׁפְטִים ט״ז:כ׳

    ותאמר פלשתים עליך שמשון ויקץ משנתו ויאמר אצא כפעם בפעם ואנער והוא לא ידע כי יהוה סר מעליו׃

  10. שֹׁפְטִים ט״ז:כ״ח

    ויקרא שמשון אל יהוה ויאמר אדני יהוה זכרני נא וחזקני נא אך הפעם הזה האלהים ואנקמה נקם אחת משתי עיני מפלשתים׃

  11. שֹׁפְטִים י״ז:ב׳

    ויאמר לאמו אלף ומאה הכסף אשר לקח לך ואתי אלית וגם אמרת באזני הנה הכסף אתי אני לקחתיו ותאמר אמו ברוך בני ליהוה׃

  12. שֹׁפְטִים י״ז:ג׳

    וישב את אלף ומאה הכסף לאמו ותאמר אמו הקדש הקדשתי את הכסף ליהוה מידי לבני לעשות פסל ומסכה ועתה אשיבנו לך׃

  13. שֹׁפְטִים י״ז:י״ג

    ויאמר מיכה עתה ידעתי כי ייטיב יהוה לי כי היה לי הלוי לכהן׃

  14. שֹׁפְטִים י״ח:ה׳

    ויאמרו לו שאל נא באלהים ונדעה התצליח דרכנו אשר אנחנו הלכים עליה׃

  15. שֹׁפְטִים י״ח:ו׳

    ויאמר להם הכהן לכו לשלום נכח יהוה דרככם אשר תלכו בה׃

  16. שֹׁפְטִים י״ח:י׳

    כבאכם תבאו אל עם בטח והארץ רחבת ידים כי נתנה אלהים בידכם מקום אשר אין שם מחסור כל דבר אשר בארץ׃

  17. שֹׁפְטִים י״ח:ל״א

    וישימו להם את פסל מיכה אשר עשה כל ימי היות בית האלהים בשלה׃

  18. שֹׁפְטִים י״ט:י״ח

    ויאמר אליו עברים אנחנו מבית לחם יהודה עד ירכתי הר אפרים משם אנכי ואלך עד בית לחם יהודה ואת בית יהוה אני הלך ואין איש מאסף אותי הביתה׃

  19. שֹׁפְטִים כ׳:א׳

    ¶ ויצאו כל בני ישראל ותקהל העדה כאיש אחד למדן ועד באר שבע וארץ הגלעד אל יהוה המצפה׃

  20. שֹׁפְטִים כ׳:ב׳

    ויתיצבו פנות כל העם כל שבטי ישראל בקהל עם האלהים ארבע מאות אלף איש רגלי שלף חרב׃

  21. שֹׁפְטִים כ׳:י״ח

    ויקמו ויעלו בית אל וישאלו באלהים ויאמרו בני ישראל מי יעלה לנו בתחלה למלחמה עם בני בנימן ויאמר יהוה יהודה בתחלה׃

  22. שֹׁפְטִים כ׳:כ״ג

    ויעלו בני ישראל ויבכו לפני יהוה עד הערב וישאלו ביהוה לאמר האוסיף לגשת למלחמה עם בני בנימן אחי ויאמר יהוה עלו אליו׃

  23. שֹׁפְטִים כ׳:כ״ו

    ויעלו כל בני ישראל וכל העם ויבאו בית אל ויבכו וישבו שם לפני יהוה ויצומו ביום ההוא עד הערב ויעלו עלות ושלמים לפני יהוה׃

  24. שֹׁפְטִים כ׳:כ״ז

    וישאלו בני ישראל ביהוה ושם ארון ברית האלהים בימים ההם׃

  25. שֹׁפְטִים כ׳:כ״ח

    ופינחס בן אלעזר בן אהרן עמד לפניו בימים ההם לאמר האוסף עוד לצאת למלחמה עם בני בנימן אחי אם אחדל ויאמר יהוה עלו כי מחר אתננו בידך׃