Esau

159 פסוקים · 11 בני משפחה

ידוע גם בשם: Edom

פסוקים המזכירים את Esau

סינון לפי ספר
  1. יִרְמְיָהוּ כ״ז:ג׳

    ושלחתם אל מלך אדום ואל מלך מואב ואל מלך בני עמון ואל מלך צר ואל מלך צידון ביד מלאכים הבאים ירושלם אל צדקיהו מלך יהודה׃

  2. יִרְמְיָהוּ מ׳:י״א

    וגם כל היהודים אשר במואב ובבני עמון ובאדום ואשר בכל הארצות שמעו כי נתן מלך בבל שארית ליהודה וכי הפקיד עליהם את גדליהו בן אחיקם בן שפן׃

  3. יִרְמְיָהוּ מ״ט:ז׳

    לאדום כה אמר יהוה צבאות האין עוד חכמה בתימן אבדה עצה מבנים נסרחה חכמתם׃

  4. יִרְמְיָהוּ מ״ט:ח׳

    נסו הפנו העמיקו לשבת ישבי דדן כי איד עשו הבאתי עליו עת פקדתיו׃

  5. יִרְמְיָהוּ מ״ט:י׳

    כי אני חשפתי את עשו גליתי את מסתריו ונחבה לא יוכל שדד זרעו ואחיו ושכניו ואיננו׃

  6. יִרְמְיָהוּ מ״ט:י״ז

    והיתה אדום לשמה כל עבר עליה ישם וישרק על כל מכותה׃

  7. יִרְמְיָהוּ מ״ט:כ׳

    לכן שמעו עצת יהוה אשר יעץ אל אדום ומחשבותיו אשר חשב אל ישבי תימן אם לא יסחבום צעירי הצאן אם לא ישים עליהם נוהם׃

  8. יִרְמְיָהוּ מ״ט:כ״ב

    הנה כנשר יעלה וידאה ויפרש כנפיו על בצרה והיה לב גבורי אדום ביום ההוא כלב אשה מצרה׃

  9. אֵיכָה ד׳:כ״א

    שישי ושמחי בת אדום יושבתי בארץ עוץ גם עליך תעבר כוס תשכרי ותתערי׃

  10. אֵיכָה ד׳:כ״ב

    תם עונך בת ציון לא יוסיף להגלותך פקד עונך בת אדום גלה על חטאתיך׃

  11. יְחֶזְקֵאל כ״ה:י״ב

    כה אמר אדני יהוה יען עשות אדום בנקם נקם לבית יהודה ויאשמו אשום ונקמו בהם׃

  12. יְחֶזְקֵאל כ״ה:י״ג

    לכן כה אמר אדני יהוה ונטתי ידי על אדום והכרתי ממנה אדם ובהמה ונתתיה חרבה מתימן ודדנה בחרב יפלו׃

  13. יְחֶזְקֵאל כ״ה:י״ד

    ונתתי את נקמתי באדום ביד עמי ישראל ועשו באדום כאפי וכחמתי וידעו את נקמתי נאם אדני יהוה׃

  14. יְחֶזְקֵאל ל״ב:כ״ט

    שמה אדום מלכיה וכל נשיאיה אשר נתנו בגבורתם את חללי חרב המה את ערלים ישכבו ואת ירדי בור׃

  15. דָּנִיֵּאל י״א:מ״א

    ובא בארץ הצבי ורבות יכשלו ואלה ימלטו מידו אדום ומואב וראשית בני עמון׃

  16. יוֹאֵל ג׳:י״ט

    מצרים לשממה תהיה ואדום למדבר שממה תהיה מחמס בני יהודה אשר שפכו דם נקיא בארצם׃

  17. עָמוֹס א׳:ו׳

    כה אמר יהוה על שלשה פשעי עזה ועל ארבעה לא אשיבנו על הגלותם גלות שלמה להסגיר לאדום׃

  18. עָמוֹס א׳:ט׳

    כה אמר יהוה על שלשה פשעי צר ועל ארבעה לא אשיבנו על הסגירם גלות שלמה לאדום ולא זכרו ברית אחים׃

  19. עָמוֹס א׳:י״א

    כה אמר יהוה על שלשה פשעי אדום ועל ארבעה לא אשיבנו על רדפו בחרב אחיו ושחת רחמיו ויטרף לעד אפו ועברתו שמרה נצח׃

  20. עָמוֹס ב׳:א׳

    ¶ כה אמר יהוה על שלשה פשעי מואב ועל ארבעה לא אשיבנו על שרפו עצמות מלך אדום לשיד׃

  21. עָמוֹס ט׳:י״ב

    למען יירשו את שארית אדום וכל הגוים אשר נקרא שמי עליהם נאם יהוה עשה זאת׃

  22. עֹבַדְיָה א׳:א׳

    ¶ חזון עבדיה כה אמר אדני יהוה לאדום שמועה שמענו מאת יהוה וציר בגוים שלח קומו ונקומה עליה למלחמה׃

  23. עֹבַדְיָה א׳:ו׳

    איך נחפשו עשו נבעו מצפניו׃

  24. עֹבַדְיָה א׳:ח׳

    הלוא ביום ההוא נאם יהוה והאבדתי חכמים מאדום ותבונה מהר עשו׃

  25. עֹבַדְיָה א׳:ט׳

    וחתו גבוריך תימן למען יכרת איש מהר עשו מקטל׃