David

968 פסוקים · 40 בני משפחה

פסוקים המזכירים את David

סינון לפי ספר
  1. 1 מְלָכִים ח׳:כ״ה

    ועתה יהוה אלהי ישראל שמר לעבדך דוד אבי את אשר דברת לו לאמר לא יכרת לך איש מלפני ישב על כסא ישראל רק אם ישמרו בניך את דרכם ללכת לפני כאשר הלכת לפני׃

  2. 1 מְלָכִים ח׳:כ״ו

    ועתה אלהי ישראל יאמן נא דבריך אשר דברת לעבדך דוד אבי׃

  3. 1 מְלָכִים ח׳:ס״ו

    ביום השמיני שלח את העם ויברכו את המלך וילכו לאהליהם שמחים וטובי לב על כל הטובה אשר עשה יהוה לדוד עבדו ולישראל עמו׃

  4. 1 מְלָכִים ט׳:ד׳

    ואתה אם תלך לפני כאשר הלך דוד אביך בתם לבב ובישר לעשות ככל אשר צויתיך חקי ומשפטי תשמר׃

  5. 1 מְלָכִים ט׳:ה׳

    והקמתי את כסא ממלכתך על ישראל לעלם כאשר דברתי על דוד אביך לאמר לא יכרת לך איש מעל כסא ישראל׃

  6. 1 מְלָכִים ט׳:כ״ד

    אך בת פרעה עלתה מעיר דוד אל ביתה אשר בנה לה אז בנה את המלוא׃

  7. 1 מְלָכִים י״א:ד׳

    ויהי לעת זקנת שלמה נשיו הטו את לבבו אחרי אלהים אחרים ולא היה לבבו שלם עם יהוה אלהיו כלבב דויד אביו׃

  8. 1 מְלָכִים י״א:ו׳

    ויעש שלמה הרע בעיני יהוה ולא מלא אחרי יהוה כדוד אביו׃

  9. 1 מְלָכִים י״א:י״ב

    אך בימיך לא אעשנה למען דוד אביך מיד בנך אקרענה׃

  10. 1 מְלָכִים י״א:י״ג

    רק את כל הממלכה לא אקרע שבט אחד אתן לבנך למען דוד עבדי ולמען ירושלם אשר בחרתי׃

  11. 1 מְלָכִים י״א:ט״ו

    ויהי בהיות דוד את אדום בעלות יואב שר הצבא לקבר את החללים ויך כל זכר באדום׃

  12. 1 מְלָכִים י״א:כ״א

    והדד שמע במצרים כי שכב דוד עם אבתיו וכי מת יואב שר הצבא ויאמר הדד אל פרעה שלחני ואלך אל ארצי׃

  13. 1 מְלָכִים י״א:כ״ד

    ויקבץ עליו אנשים ויהי שר גדוד בהרג דוד אתם וילכו דמשק וישבו בה וימלכו בדמשק׃

  14. 1 מְלָכִים י״א:כ״ז

    וזה הדבר אשר הרים יד במלך שלמה בנה את המלוא סגר את פרץ עיר דוד אביו׃

  15. 1 מְלָכִים י״א:ל״ב

    והשבט האחד יהיה לו למען עבדי דוד ולמען ירושלם העיר אשר בחרתי בה מכל שבטי ישראל׃

  16. 1 מְלָכִים י״א:ל״ג

    יען אשר עזבוני וישתחוו לעשתרת אלהי צדנין לכמוש אלהי מואב ולמלכם אלהי בני עמון ולא הלכו בדרכי לעשות הישר בעיני וחקתי ומשפטי כדוד אביו׃

  17. 1 מְלָכִים י״א:ל״ד

    ולא אקח את כל הממלכה מידו כי נשיא אשתנו כל ימי חייו למען דוד עבדי אשר בחרתי אתו אשר שמר מצותי וחקתי׃

  18. 1 מְלָכִים י״א:ל״ו

    ולבנו אתן שבט אחד למען היות ניר לדויד עבדי כל הימים לפני בירושלם העיר אשר בחרתי לי לשום שמי שם׃

  19. 1 מְלָכִים י״א:ל״ח

    והיה אם תשמע את כל אשר אצוך והלכת בדרכי ועשית הישר בעיני לשמור חקותי ומצותי כאשר עשה דוד עבדי והייתי עמך ובניתי לך בית נאמן כאשר בניתי לדוד ונתתי לך את ישראל׃

  20. 1 מְלָכִים י״א:ל״ט

    ואענה את זרע דוד למען זאת אך לא כל הימים׃

  21. 1 מְלָכִים י״א:מ״ג

    וישכב שלמה עם אבתיו ויקבר בעיר דוד אביו וימלך רחבעם בנו תחתיו׃

  22. 1 מְלָכִים י״ב:ט״ז

    וירא כל ישראל כי לא שמע המלך אליהם וישבו העם את המלך דבר לאמר מה לנו חלק בדוד ולא נחלה בבן ישי לאהליך ישראל עתה ראה ביתך דוד וילך ישראל לאהליו׃

  23. 1 מְלָכִים י״ב:י״ט

    ויפשעו ישראל בבית דוד עד היום הזה׃

  24. 1 מְלָכִים י״ב:כ׳

    ויהי כשמע כל ישראל כי שב ירבעם וישלחו ויקראו אתו אל העדה וימליכו אתו על כל ישראל לא היה אחרי בית דוד זולתי שבט יהודה לבדו׃

  25. 1 מְלָכִים י״ב:כ״ו

    ויאמר ירבעם בלבו עתה תשוב הממלכה לבית דוד׃