God

Tsoron Ubangiji ne mafarin hikima; dukan waɗanda suke bin farillansa suna da ganewa mai kyau. Gare shi ne madawwamin yabo.

Yabi Ubangiji. Mai albarka ne mutumin da yake tsoron Ubangiji, wanda yakan sami farin ciki mai girma a umarnansa.

Ba zai ji tsoron labari marar daɗi ba; zuciyarsa tsayayyiya ce, tana dogara ga Ubangiji.

Yabi Ubangiji. Ku yabe shi, ya ku bayin Ubangiji, ku yabi sunan Ubangiji.

Bari a yabi sunan Ubangiji, yanzu da har abada kuma.

Daga fitowar rana zuwa inda take fāɗuwa, a yabi sunan Ubangiji.

Ana ɗaukaka Ubangiji a bisa dukan al’ummai, ɗaukakarsa a bisa sammai

Wane ne yake kamar Ubangiji Allahnmu, Wannan mai zama a kursiyi can bisa,

wanda yake sunkuya yă dubi sammai da duniya?

ya zaunar da su tare da sarakuna, tare da sarakunan mutanensu.

Yakan zaunar da matar da ba haihuwa a gidanta ta zama kamar mahaifiyar ’ya’ya mai farin ciki. Yabi Ubangiji.

Yahuda ya zama wuri mai tsarki na Allah, Isra’ila mallakarsa.

Ki yi rawar jiki, ya duniya, a gaban Ubangiji, a gaban Allah na Yaƙub,

Ba gare mu ba, ya Ubangiji, ba gare mu ba amma ga sunanka yă sami ɗaukaka, saboda ƙaunarka da amincinka.

Me ya sa al’ummai suke cewa, “Ina Allahnsu?”

Allahnmu yana a sama; yana yin duk abin da ya ga dama.

Ya gidan Isra’ila, ku dogara ga Ubangiji, shi ne mai taimakonsu da garkuwarsu.

Ya gidan Haruna, ku dogara ga Ubangiji, shi ne mai taimakonsu da garkuwarsu.

Ku da kuke tsoronsa, ku dogara ga Ubangiji, shi ne mai taimakonsu da garkuwarsu.

Ubangiji yakan tuna da mu zai kuma albarkace mu. Zai albarkace gidan Isra’ila, zai albarkace gidan Haruna,

zai albarkace waɗanda suke tsoron Ubangiji, manya da ƙanana duka.

Bari Ubangiji yă sa ku ƙaru, da ku da ’ya’yanku.

Bari Ubangiji yă albarkace ku, shi Mahalicci sama da ƙasa.

Saman sammai na Ubangiji ne, amma ya ba da duniya ga mutum.

Ba matattu ba ne masu yabon Ubangiji, waɗanda suke gangara zuwa wurin da ake shiru;