Mistari ya Biblia kuhusu Death: Unclassified scriptures relating to

Yonathani akajibu, “La hasha! Hutakufa! Tazama, baba yangu hafanyi kitu chochote, kikubwa au kidogo, bila kuniambia mimi. Kwa nini anifiche hili? Sivyo ilivyo!”

Lakini Daudi akaapa na kusema, “Baba yako anajua kabisa kwamba nimepata kibali mbele yako, naye amesema moyoni mwake, ‘Yonathani sharti asilijue hili, la sivyo atahuzunika.’ Lakini kweli kama Bwana aishivyo na kama uishivyo, kuna hatua moja tu kati yangu na mauti.”

Wafungwa nao hufurahia utulivu wao, hawasikii tena sauti ya kukemea ya kiongozi wa watumwa.

Wadogo na wakubwa wamo humo, na mtumwa ameachiwa huru kutoka kwa bwana wake.

Lile jicho linaloniona sasa halitaniona tena; utanitafuta, wala sitakuwepo.

Kama vile wingu liondokavyo na kutoweka, vivyo hivyo yeye ashukaye kaburini harudi tena.

Kamwe harudi tena nyumbani mwake; wala mahali pake hapatamjua tena.

kabla sijaenda mahali ambapo hakuna kurudi tena, katika nchi ya giza na uvuli wa mauti,

nchi ya giza kuu sana, yenye uvuli wa giza na machafuko, mahali ambapo hata nuru ni giza.”

“Kwa maana lipo tumaini kwa mti; kama ukikatwa utachipuka tena, nayo machipukizi yake mapya hayatakoma.

Mizizi yake yaweza kuchakaa ardhini na kisiki chake kufa udongoni,

lakini kwa kupata dalili ya maji utachipua na kutoa machipukizi kama mche.

Lakini mwanadamu hufa, na huo ndio mwisho wake; hutoa pumzi ya mwisho, naye hayuko tena!

Kama vile maji yatowekavyo katika bahari, au mkondo wa mto ukaushwavyo na kuwa mkavu,

ndivyo mwanadamu alalavyo chini asiamke; hadi mbingu zitakapokuwa hazipo tena, wanadamu hawataamka au kuamshwa kutoka kwenye usingizi wao.

kama maji yamalizavyo mawe, na mafuriko yachukuavyo udongo, ndivyo unavyoharibu tegemeo la mwanadamu.

Humshinda mara moja kwa daima, naye hutoweka; waibadilisha sura yake na kumwondoa.

Kama wanawe wakipewa heshima, yeye hafahamu; kama wakidharauliwa, yeye haoni.

Kama nyumba pekee ninayoitarajia ni kaburi, kama nikikitandika kitanda changu gizani,

kama nikiuambia uharibifu, ‘Wewe u baba yangu,’ na kuliambia buu, ‘Wewe u mama yangu’ au ‘Dada yangu,’

Mtu mwingine hufa katika uchungu wa nafsi, akiwa hajafurahia kamwe jambo lolote zuri.

Hao wote hulala mavumbini, nao mabuu huwafunika wote.

Hupelekwa kaburini, nao ulinzi ukawekwa kwenye kaburi lake.

Udongo ulio bondeni ni mtamu kwake; watu wote watamfuata, nao umati wa watu usiohesabika umemtangulia.

Kama lilikuwa kusudi la Mungu, naye akaiondoa Roho yake na pumzi yake,