Shqip

circa 6 BC – AD 30

The Life of Jesus

The eternal Son of God enters history: born in Bethlehem, baptized in the Jordan, crucified at Golgotha, raised on the third day.

3,779 vargje · 4 libra të përfshirë

Vargje nga kjo periudhë

Rendi i Shkrimit Sipas datës
Filtro sipas librit
  1. Mateu 27:16rreth 33 e.s.

    Kishin në ato kohë një të burgosur me nam, me emër Baraba.

  2. Mateu 27:17rreth 33 e.s.

    Kur u mblodhën njerëzit, Pilati i pyeti ata: ''Kë doni t'ju liroj, Barabën apo Jezusin, që quhet Krisht?''.

  3. Mateu 27:18rreth 33 e.s.

    Sepse ai e dinte mirë se atë ia kishin dorëzuar nga smira.

  4. Mateu 27:19rreth 33 e.s.

    Dhe ndërsa ai po rrinte në gjykatë, gruaja e tij i çoi fjalë: ''Mos u përziej aspak me çështjen e atij të drejti, sepse sot kam vuajtur shumë në ëndërr për shkak të tij''.

  5. Mateu 27:20rreth 33 e.s.

    Por krerët e priftërinjve dhe pleqtë ia mbushën mendjan turmës që të kërkonte Barabën, dhe Jezusi të vritej.

  6. Mateu 27:21rreth 33 e.s.

    Dhe guvernatori duke vazhduar u tha atyre: ''Cilin nga të dy doni që t'ju liroj?''. Ata thanë: ''Barabën!''.

  7. Mateu 27:22rreth 33 e.s.

    Pilati u tha atyre: ''Ç'të bëj, pra, me Jezusin, që quhet Krisht?''. Të gjithë i thanë: ''Të kryqëzohet!''.

  8. Mateu 27:23rreth 33 e.s.

    Por guvernatori tha: ''Po ç'të keqe ka bërë?''. Mirëpo ata po bërtisnin edhe më fort: ''Të kryqëzohet!''.

  9. Mateu 27:24rreth 33 e.s.

    Atëherë Pilati, duke parë se nuk po arrinte gjë, madje se trazimi po shtohej gjithnjë e më shumë, mori ujë dhe i lau duart para turmës, duke thënë: ''Unë jam i pafaj për gjakun e këtij të drejti; mendojeni ju''.

  10. Mateu 27:25rreth 33 e.s.

    Dhe gjithë populli duke u përgjigjur tha: ''Le të jetë gjaku i tij mbi ne dhe mbi fëmijët tanë!''.

  11. Mateu 27:26rreth 33 e.s.

    Atëherë ai ua liroi atyre Barabën; dhe mbasi e fshikulloi Jezusin, ua dorëzoi, që të kryqëzohet.

  12. Mateu 27:27rreth 33 e.s.

    Atëherë ushtarët e guvernatorit, mbasi e çuan Jezusin në pretoriumin e guvernatorit, mblodhën rreth tij gjithë kohortën.

  13. Mateu 27:28rreth 33 e.s.

    Dhe, pasi e zhveshën, i hodhën mbi trup një mantel të kuq.

  14. Mateu 27:29rreth 33 e.s.

    Dhe i thurën një kurorë me ferra, ia vunë mbi krye dhe i dhanë një kallam në dorën e djathtë; dhe, duke u gjunjëzuar përpara tij, e përqeshnin duke thënë: ''Tungjatjeta, o mbret i Judenjve!''.

  15. Mateu 27:30rreth 33 e.s.

    Pastaj e pështynë, ia morën kallamin dhe me të i binin në kokë.

  16. Mateu 27:31rreth 33 e.s.

    Dhe, mbasi e përqeshën, ia hoqën mantelin dhe e veshën me rrobat e tij; dhe e çuan për ta kryqëzuar.

  17. Mateu 27:32rreth 33 e.s.

    Dhe duke dalë, takuan një njeri nga Kirena, që quhej Simon, të cilin e detyruan ta mbartë kryqin e Jezusit.

  18. Mateu 27:33rreth 33 e.s.

    Dhe, kur arritën në vendin që quhej Golgota, domethënë "Vendi i kafkës",

  19. Mateu 27:34rreth 33 e.s.

    i dhanë të pijë uthull të përzier me vrer; por ai, mbasi e provoi, nuk deshi ta pinte.

  20. Mateu 27:35rreth 33 e.s.

    Mbasi e kryqëzuan, i ndanë me short rrobat e tij, që të përmbushej ç'ishte thënë nga profeti: ''I ndanë ndërmjet tyre rrobat e mia dhe hodhën short mbi tunikën time''.

  21. Mateu 27:36rreth 33 e.s.

    Pastaj u ulën dhe e ruanin.

  22. Mateu 27:37rreth 33 e.s.

    Përmbi krye të tij, i vunë gjithashtu motivacionin e shkruar të dënimit të tij: ''KY ÉSHTÉ JEZUSI, MBRETI I JUDENJVE''.

  23. Mateu 27:38rreth 33 e.s.

    Atëhere u kryqëzuan bashkë me të dy cuba, njeri në të djathtën dhe tjetri në të majtën.

  24. Mateu 27:39rreth 33 e.s.

    Dhe ata që kalonin andej e fyenin duke tundur kokën,

  25. Mateu 27:40rreth 33 e.s.

    dhe duke thënë: ''Ti që e shkatërron tempullin dhe e rindërton për tri ditë, shpëto vetveten; në qoftë se je Biri i Perëndisë, zbrit nga kryqi!''.