Instruction बद्दल बायबलमधील वचने

179 वचने · 2 पैलू

प्रमुख बायबल वचने

स्तोत्रसंहिता ११९:९३
मी तुमचे नियम कधीही विसरणार नाही, कारण त्यांच्याद्वारे तुम्ही माझ्या जीवनाचे जतन केले आहे.
स्तोत्रसंहिता ११९:९४
मी तुमचा आहे, माझे तारण करा; कारण मी तुमच्या विधीचा शोधक आहे.
स्तोत्रसंहिता ११९:९५
दुष्ट लोक माझा नाश करण्याची वाट पाहत आहेत, तरी मी माझे चित्त तुमच्या अधिनियमाकडे लावेन.
स्तोत्रसंहिता ११९:९६
प्रत्येक परिपूर्णतेला सीमा असते, परंतु तुमच्या आज्ञा निस्सीम आहेत.
स्तोत्रसंहिता ११९:९७
अहाहा, मी तुमच्या विधिनियमांवर कितीतरी प्रीती करतो! मी दिवसभर त्यांचे चिंतन करतो.
स्तोत्रसंहिता ११९:९८
तुमची वचने सतत माझ्यासह असतात, आणि ती माझ्या शत्रूंपेक्षा मला अधिक ज्ञानी करतात.
स्तोत्रसंहिता ११९:९९
मला माझ्या सर्व शिक्षकांहून अधिक शहाणपण आहे, कारण तुमच्या नियमांचे मी सतत मनन करतो.
स्तोत्रसंहिता ११९:१००
मी माझ्या वडीलजनांपेक्षाही अधिक सुज्ञ आहे, कारण मी तुमच्या आज्ञा पाळतो.
स्तोत्रसंहिता ११९:१०१
दुष्टाईच्या मार्गावर मी माझी पावले टाकीत नाही, जेणेकरून मी तुमच्या आज्ञांचे पालन करू शकेन.
स्तोत्रसंहिता ११९:१०२
मी तुमच्या वचनाकडे पाठ फिरवीत नाही; कारण तुम्ही स्वतः मला शिक्षण दिले आहे.
स्तोत्रसंहिता ११९:१०३
किती मधुर आहेत तुमची वचने, माझ्या मुखात ती मला मधापेक्षाही गोड लागतात!
स्तोत्रसंहिता ११९:१०४
तुमच्या नियमांद्वारेच मला सुज्ञता प्राप्त होते; म्हणून मी प्रत्येक खोट्या मार्गाचा तिरस्कार करतो.
स्तोत्रसंहिता ११९:१०५
तुमचे वचन माझ्या पावलांकरिता दिवा व माझ्या मार्गावरील प्रकाश आहे.
स्तोत्रसंहिता ११९:१०६
मी शपथ घेतली आहे व सुनिश्चित केले आहे, की मी तुमच्या नीतियुक्त नियमांचे पालन करेन.
स्तोत्रसंहिता ११९:१०७
याहवेह, माझी पीडा असह्य झाली आहे; आपल्या अभिवचनाप्रमाणे माझे जतन करा.
स्तोत्रसंहिता ११९:१०८
याहवेह, माझ्या मुखातून निघालेल्या स्वैच्छिक स्तवनाचा स्वीकार करा, आणि तुमचे नियम मला शिकवा.
स्तोत्रसंहिता ११९:१०९
जरी मी माझे जीवन सतत स्वतःच्या हातात घेतो, तरी मी तुमचे नियम विसरणार नाही.
स्तोत्रसंहिता ११९:११०
दुष्ट लोकांनी माझ्यासाठी सापळे लावलेले आहेत, तरीपण मी तुमच्या मार्गावरून ढळणार नाही.
स्तोत्रसंहिता ११९:१११
तुमचे नियम माझा सर्वकाळचा वारसा आहेत, माझ्या अंतःकरणाचा उल्हास आहेत.
स्तोत्रसंहिता ११९:११२
शेवटपर्यंत पूर्ण हृदयाने तुमचे आज्ञापालन करण्याचे मी निश्चित केले आहे.
स्तोत्रसंहिता ११९:११३
दुटप्पी लोकांचा मला तिरस्कार वाटतो, पण मला तुमचे नियम प्रिय आहेत.
स्तोत्रसंहिता ११९:११४
तुम्ही माझा आश्रय व माझी ढाल आहात; तुमच्या अभिवचनांवर मी आशा ठेवली आहे.
स्तोत्रसंहिता ११९:११५
अहो कुकर्मी लोकांनो, माझ्यापासून दूर व्हा, जेणेकरून माझ्या परमेश्वराच्या आज्ञांचे मी पालन करेन.
स्तोत्रसंहिता ११९:११६
हे परमेश्वरा, तुमच्या अभिवचनानुसार माझे जतन करा, म्हणजे मी जिवंत राहीन; माझी आशाभंग होऊ देऊ नका.
स्तोत्रसंहिता ११९:११७
मला उचलून धरा म्हणजे माझी सुटका होईल; मी तुमच्या नियमांचा नेहमी आदर करतो.

179 वचनांपैकी 101–125 दाखवत आहोत

मागील 1...3 4 5 6 7 8 पुढील