मराठी

God

11,427 वचने · 2 कुटुंब सदस्य

God चा उल्लेख असलेली वचने

पुस्तकानुसार गाळा
  1. स्तोत्रसंहिता ११८:७

    याहवेह माझ्यासोबत आहेत; ते माझे सहायक आहेत. मी माझ्या शत्रूकडे विजयान्वित दृष्टीने बघेन.

  2. स्तोत्रसंहिता ११८:८

    नश्वर मानवावर भरवसा ठेवण्यापेक्षा, याहवेहचा आश्रय घेणे उत्तम आहे.

  3. स्तोत्रसंहिता ११८:९

    अधिपतींवर भरवसा ठेवण्यापेक्षा, याहवेहचा आश्रय घेणे उत्तम आहे.

  4. स्तोत्रसंहिता ११८:१०

    सर्व राष्ट्रांनी मला वेढा घातला, परंतु याहवेहच्या नावाने मी त्यांचा नाश केला.

  5. स्तोत्रसंहिता ११८:११

    त्यांनी सर्व बाजूने मला वेढा घातला, परंतु याहवेहच्या नावाने मी त्यांचा नायनाट केला.

  6. स्तोत्रसंहिता ११८:१२

    मधमाश्यांप्रमाणे ते माझ्याभोवती घोंगावत होते, पण जळत्या काटेरी झुडूपांसारखे ते लगेच जळून खाक झाले; याहवेहच्या नावाने मी त्यांचा नाश केला.

  7. स्तोत्रसंहिता ११८:१३

    त्यांनी मला असे ढकलले की मी मागे पडलो असतो, परंतु याहवेहने मला साहाय्य केले.

  8. स्तोत्रसंहिता ११८:१४

    याहवेह माझे सामर्थ्य आणि माझे संरक्षण आहेत; तेच माझे तारण झाले आहेत.

  9. स्तोत्रसंहिता ११८:१५

    नीतिमान लोकांच्या घरातून आनंदाच्या व विजयाच्या गीतांचे प्रतिध्वनी ऐकू येत आहेत: “याहवेहच्या उजव्या भुजाने सामर्थ्यवान कृत्ये केली आहेत!

  10. स्तोत्रसंहिता ११८:१६

    याहवेहचा उजवा हात उंचावलेला आहे; याहवेहच्या उजव्या भुजेने सामर्थ्यवान कृत्ये केली आहेत!”

  11. स्तोत्रसंहिता ११८:१७

    मी मरणार नाही तर जगेन, आणि याहवेहची कृत्ये विदित करेन.

  12. स्तोत्रसंहिता ११८:१८

    याहवेहने मला कठोर शिक्षा केली, परंतु त्यांनी मला मृत्यूच्या हवाली केले नाही.

  13. स्तोत्रसंहिता ११८:१९

    माझ्यासाठी नीतिमत्वाची दारे उघडू द्या; मी आत प्रवेश करून याहवेहचे उपकारस्मरण करेन.

  14. स्तोत्रसंहिता ११८:२०

    याहवेहची दारे हीच आहेत; याच दारातून नीतिमान प्रवेश करतात.

  15. स्तोत्रसंहिता ११८:२१

    मी तुम्हाला धन्यवाद देईन, कारण तुम्ही माझ्या प्रार्थनेचे उत्तर दिले; तुम्ही माझे तारण झाला आहात.

  16. स्तोत्रसंहिता ११८:२३

    ही याहवेहची करणी आहे, आणि आमच्या दृष्टीने ती अद्भुत आहे.

  17. स्तोत्रसंहिता ११८:२४

    याहवेहने आज हे केले आहे; आजच आपण आनंद व उल्लास करू.

  18. स्तोत्रसंहिता ११८:२५

    याहवेह, आमचे तारण करा! याहवेह, आम्हाला यशस्वी करा!

  19. स्तोत्रसंहिता ११८:२६

    याहवेहच्या नावाने येणारे धन्यवादित असो. आम्ही याहवेहच्या मंदिरातून तुम्हाला आशीर्वाद देतो.

  20. स्तोत्रसंहिता ११८:२७

    याहवेहच परमेश्वर आहेत; त्यांनी त्यांचा प्रकाश आमच्यावर टाकला आहे. डहाळ्या हातात घेऊन वेदीच्या शिंगापर्यंत जाण्यासाठी मिरवणुकीत सामील व्हा.

  21. स्तोत्रसंहिता ११८:२८

    तुम्हीच माझे परमेश्वर आहात आणि मी तुमचे स्तवन करेन; तुम्हीच माझे परमेश्वर आहात, मी तुमचे स्तुतिगान करेन.

  22. स्तोत्रसंहिता ११८:२९

    याहवेहचे उपकारस्मरण करा, कारण ते फार चांगले आहेत; त्यांची प्रीती अनंतकाळची आहे.

  23. स्तोत्रसंहिता ११९:१

    ज्यांचे मार्ग निष्कलंक असतात, जे याहवेहच्या नियमानुसार आचरण करतात, ते सर्वजण धन्य होत.

  24. स्तोत्रसंहिता ११९:२

    जे मनःपूर्वक त्यांचा शोध घेतात— आणि याहवेहचे अधिनियम पाळतात, ते सर्वजण धन्य होत.

  25. स्तोत्रसंहिता ११९:३

    ते अनीती न करता त्यांच्या मार्गाने चालतात.