פסוקים על Word of God: Unbelief in

ולרשע אמר אלהים מה לך לספר חקי ותשא בריתי עלי פיך׃

ואתה שנאת מוסר ותשלך דברי אחריך׃

תחת כי שנאו דעת ויראת יהוה לא בחרו׃

לא אבו לעצתי נאצו כל תוכחתי׃

בז לדבר יחבל לו וירא מצוה הוא ישלם׃

לכן כאכל קש לשון אש וחשש להבה ירפה שרשם כמק יהיה ופרחם כאבק יעלה כי מאסו את תורת יהוה צבאות ואת אמרת קדוש ישראל נאצו׃

את מי יורה דעה ואת מי יבין שמועה גמולי מחלב עתיקי משדים׃

כי צו לצו צו לצו קו לקו קו לקו זעיר שם זעיר שם׃

כי בלעגי שפה ובלשון אחרת ידבר אל העם הזה׃

אשר אמר אליהם זאת המנוחה הניחו לעיף וזאת המרגעה ולא אבוא שמוע׃

והיה להם דבר יהוה צו לצו צו לצו קו לקו קו לקו זעיר שם זעיר שם למען ילכו וכשלו אחור ונשברו ונוקשו ונלכדו׃

לכן שמעו דבר יהוה אנשי לצון משלי העם הזה אשר בירושלם׃

כי עם מרי הוא בנים כחשים בנים לא אבו שמוע תורת יהוה׃

אשר אמרו לראים לא תראו ולחזים לא תחזו לנו נכחות דברו לנו חלקות חזו מהתלות׃

סורו מני דרך הטו מני ארח השביתו מפנינו את קדוש ישראל׃

¶ מי האמין לשמעתנו וזרוע יהוה על מי נגלתה׃

על מי אדברה ואעידה וישמעו הנה ערלה אזנם ולא יוכלו להקשיב הנה דבר יהוה היה להם לחרפה לא יחפצו בו׃

הבישו חכמים חתו וילכדו הנה בדבר יהוה מאסו וחכמת מה להם׃

אכתוב לו רבו תורתי כמו זר נחשבו׃

ותשקו את הנזרים יין ועל הנביאים צויתם לאמר לא תנבאו׃

אל תטפו יטיפון לא יטפו לאלה לא יסג כלמות׃

ויאמר אליו אם לא ישמעו אל משה ואל הנביאים גם כי יקום אחד מן המתים לא יאמינו׃

ויאמר אליהם הוי חסרי דעת וכבדי לב מהאמין בכל אשר דברו הנביאים׃

כי כל פעל עולה ישנא את האור ולא יבא לאור פן יוכחו מעשיו׃

כי לו האמנתם למשה גם לי תאמינו כי הוא כתב עלי׃