פסוקים על Wicked

צרה ומצוקה על כל נפש אדם עשה הרע על היהודי בראשונה וכן גם על היוני׃

וכבוד והדר ושלום לכל עשה הטוב ליהודי בראשונה וכן גם ליוני׃

ככתוב אין צדיק אין גם אחד׃

אין משכיל אין דרש את אלהים׃

הכל סר יחדו נאלחו אין עשה טוב אין גם אחד׃

קבר פתוח גרונם לשונם יחליקון חמת עכשוב תחת שפתימו׃

אשר אלה פיהם מלא ומררות׃

רגליהם ימהרו לשפך דם׃

שד ושבר במסלותם׃

ודרך שלום לא ידעו׃

אין פחד אלהים לנגד עיניהם׃

כי אשר המה לבשר בעניני הבשר יחשבו ואשר לרוח בעניני הרוח יחשבו׃

יען מחשבת הבשר רק שנאת אלהים היא באשר לא תשתעבד לתורת האלהים ואף איננה יכולה׃

ואשר המה בבשר לא יוכלו להיות רצוים לאלהים׃

כלומר לא בני הבשר המה בני האלהים כי אם בני ההבטחה הם הנחשבים לזרע׃

ככתוב ואהב את יעקב ואת עשו שנאתי׃

אבל ברבם לא רצה האלהים ופגריהם נפלו במדבר׃

כל זאת מצאתם להיות למופת ותכתב למוסר לנו אשר הגיעו אלינו קצי העולמים׃

¶ גם אתכם המתים לפנים בפשעיכם וחטאתיכם׃

אשר התהלכתם בהם לפי דור העולם הזה כרצון שר ממשלת האויר והוא הרוח הפעל כעת בבני המרי׃

וגם אנחנו כלנו בתוכם הלכנו לפנים בתאות הבשר לעשות חפצי בשרנו ומחשבותינו ונהי אך בני רגז בטבענו כאשר בני אדם׃

כי אתם בעת ההיא הייתם בלי משיח מוזרים לעדת ישראל ונכרים לבריתות ההבטחה באין תקוה ובאין לכם אלהים בעולם׃

ועתה בישוע המשיח אתם הרחוקים מאז הייתם קרובים בדם המשיח׃

כי הוא שלומנו אשר עשה השנים לאחד והרס מחיצת הגדר׃

והנה זאת אני אמר ומעיד באדון כי מעתה לא תלכו עוד כיתר הגוים ההלכים בהבלי שכלם׃