פסוקים על Watchfulness: General references

ובכל אשר אמרתי אליכם תשמרו ושם אלהים אחרים לא תזכירו לא ישמע על פיך׃

השמר לך פן תכרת ברית ליושב הארץ אשר אתה בא עליה פן יהיה למוקש בקרבך׃

רק השמר לך ושמר נפשך מאד פן תשכח את הדברים אשר ראו עיניך ופן יסורו מלבבך כל ימי חייך והודעתם לבניך ולבני בניך׃

השמרו לכם פן תשכחו את ברית יהוה אלהיכם אשר כרת עמכם ועשיתם לכם פסל תמונת כל אשר צוך יהוה אלהיך׃

שמור תשמרון את מצות יהוה אלהיכם ועדתיו וחקיו אשר צוך׃

השמרו לכם פן יפתה לבבכם וסרתם ועבדתם אלהים אחרים והשתחויתם להם׃

השמר לך פן תעלה עלתיך בכל מקום אשר תראה׃

וידבר משה והכהנים הלוים אל כל ישראל לאמר הסכת ושמע ישראל היום הזה נהיית לעם ליהוה אלהיך׃

רק שמרו מאד לעשות את המצוה ואת התורה אשר צוה אתכם משה עבד יהוה לאהבה את יהוה אלהיכם וללכת בכל דרכיו ולשמר מצותיו ולדבקה בו ולעבדו בכל לבבכם ובכל נפשכם׃

ונשמרתם מאד לנפשתיכם לאהבה את יהוה אלהיכם׃

ושמרת את משמרת יהוה אלהיך ללכת בדרכיו לשמר חקתיו מצותיו ומשפטיו ועדותיו ככתוב בתורת משה למען תשכיל את כל אשר תעשה ואת כל אשר תפנה שם׃

למען יקים יהוה את דברו אשר דבר עלי לאמר אם ישמרו בניך את דרכם ללכת לפני באמת בכל לבבם ובכל נפשם לאמר לא יכרת לך איש מעל כסא ישראל׃

ועתה יהוה אלהי ישראל שמר לעבדך דוד אבי את אשר דברת לו לאמר לא יכרת לך איש מלפני ישב על כסא ישראל רק אם ישמרו בניך את דרכם ללכת לפני כאשר הלכת לפני׃

ועתה יהי פחד יהוה עליכם שמרו ועשו כי אין עם יהוה אלהינו עולה ומשא פנים ומקח שחד׃

ונתפלל אל אלהינו ונעמיד משמר עליהם יומם ולילה מפניהם׃

כי חמה פן יסיתך בספק ורב כפר אל יטך׃

היערך שועך לא בצר וכל מאמצי כח׃

אל תשאף הלילה לעלות עמים תחתם׃

השמר אל תפן אל און כי על זה בחרת מעני׃

¶ למנצח לידיתון מזמור לדוד אמרתי אשמרה דרכי מחטוא בלשוני אשמרה לפי מחסום בעד רשע לנגדי׃

שקדתי ואהיה כצפור בודד על גג׃

במה יזכה נער את ארחו לשמר כדברך׃

שיתה יהוה שמרה לפי נצרה על דל שפתי׃

מכל משמר נצר לבך כי ממנו תוצאות חיים׃

עיניך לנכח יביטו ועפעפיך יישרו נגדך׃