פסוקים על Vision

116 פסוקים · 17 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים ט׳:י״ב

    וירא במחזה והנה איש ושמו חנניה בא החדרה ושם עליו את ידו למען ישוב ויראה׃

  2. מַעֲשֵׂי הַשְּׁלִיחִים י׳:ג׳

    ומחזה נראה אליו כשעה התשיעית ליום וירא מלאך אלהים בא אליו פנימה ואמר קרניליוס׃

  3. מַעֲשֵׂי הַשְּׁלִיחִים י׳:ט׳

    ויהי ממחרת והמה הלכים בדרך וקרבים לעיר ויעל פטרוס על הגג להתפלל כשעה הששית׃

  4. מַעֲשֵׂי הַשְּׁלִיחִים י׳:י׳

    והוא רעב ויתאו לטעם לחם ובהכינם לו נפלה תרדמה עליו׃

  5. מַעֲשֵׂי הַשְּׁלִיחִים י׳:י״א

    וירא את השמים נפתחים והנה כלי ירד אליו כדמות מטפחת בד גדולה ויורד בארבע כנפותיו על הארץ׃

  6. מַעֲשֵׂי הַשְּׁלִיחִים י׳:י״ב

    ובתוכו מכל בהמת הארץ וחיה ורמש ועוף השמים׃

  7. מַעֲשֵׂי הַשְּׁלִיחִים י׳:י״ג

    ויהי קול אליו לאמר קום פטרוס זבח ואכל׃

  8. מַעֲשֵׂי הַשְּׁלִיחִים י׳:י״ד

    ויאמר פטרוס חלילה לי אדני כי מעולם לא אכלתי כל פגול וטמא׃

  9. מַעֲשֵׂי הַשְּׁלִיחִים י׳:ט״ו

    ויהי עוד קול אליו פעם שנית לאמר את אשר טהר האלהים אתה אל תטמאנו׃

  10. מַעֲשֵׂי הַשְּׁלִיחִים י׳:ט״ז

    וכן היה שלש פעמים והכלי שב והעלה השמימה׃

  11. מַעֲשֵׂי הַשְּׁלִיחִים י׳:י״ז

    ויהי בהתפעם רוח פטרוס על המראה אשר ראה והנה האנשים השלוחים מאת קרניליוס שאלו לבית שמעון ויעמדו על הפתח׃

  12. מַעֲשֵׂי הַשְּׁלִיחִים י׳:י״ח

    ויקראו וידרשו היש מתגורר שם שמעון המכנה פטרוס׃

  13. אִגֶּרֶת אֶל־הָעִבְרִים י״ב:י״ח

    כי לא באתם אל הר נמשש ובער באש ולא אל ענן וערפל וסערה׃

  14. אִגֶּרֶת אֶל־הָעִבְרִים י״ב:י״ט

    ולא לקול שופר ולקול הדברים אשר שמעיו בקשו שלא יוסיף לדבר עמהם עוד׃

  15. אִגֶּרֶת אֶל־הָעִבְרִים י״ב:כ׳

    כי לא יכלו לשאת את אשר צוו ואם בהמה תגע בהר סקל תקסל או ירה תירה בחצים׃

  16. אִגֶּרֶת אֶל־הָעִבְרִים י״ב:כ״א

    והמראה היה נורא עד מאד ויאמר משה יגרתי וחרדתי׃