פסוקים על Trees

וגם עבדי חירם ועבדי שלמה אשר הביאו זהב מאופיר הביאו עצי אלגומים ואבן יקרה׃

ויעש המלך את עצי האלגומים מסלות לבית יהוה ולבית המלך וכנרות ונבלים לשרים ולא נראו כהם לפנים בארץ יהודה׃

וילכדו ערים בצרות ואדמה שמנה ויירשו בתים מלאים כל טוב ברות חצובים כרמים וזיתים ועץ מאכל לרב ויאכלו וישבעו וישמינו ויתעדנו בטובך הגדול׃

כי יש לעץ תקוה אם יכרת ועוד יחליף וינקתו לא תחדל׃

תחת צאלים ישכב בסתר קנה ובצה׃

¶ אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב׃

כי אם בתורת יהוה חפצו ובתורתו יהגה יומם ולילה׃

והיה כעץ שתול על פלגי מים אשר פריו יתן בעתו ועלהו לא יבול וכל אשר יעשה יצליח׃

ראיתי רשע עריץ ומתערה כאזרח רענן׃

יודע כמביא למעלה בסבך עץ קרדמות׃

יהרג בברד גפנם ושקמותם בחנמל׃

ישבעו עצי יהוה ארזי לבנון אשר נטע׃

אשר שם צפרים יקננו חסידה ברושים ביתה׃

ההרים וכל גבעות עץ פרי וכל ארזים׃

עץ חיים היא למחזיקים בה ותמכיה מאשר׃

פרי צדיק עץ חיים ולקח נפשות חכם׃

מרפא לשון עץ חיים וסלף בה שבר ברוח׃

עשיתי לי גנות ופרדסים ונטעתי בהם עץ כל פרי׃

גם מגבה יראו וחתחתים בדרך וינאץ השקד ויסתבל החגב ותפר האביונה כי הלך האדם אל בית עולמו וסבבו בשוק הספדים׃

כתפוח בעצי היער כן דודי בין הבנים בצלו חמדתי וישבתי ופריו מתוק לחכי׃

מי זאת עלה מן המדבר מתרפקת על דודה תחת התפוח עוררתיך שמה חבלתך אמך שמה חבלה ילדתך׃

כי תהיו כאלה נבלת עלה וכגנה אשר מים אין לה׃

ועוד בה עשריה ושבה והיתה לבער כאלה וכאלון אשר בשלכת מצבת בם זרע קדש מצבתה׃

ויגד לבית דוד לאמר נחה ארם על אפרים וינע לבבו ולבב עמו כנוע עצי יער מפני רוח׃

ושאר עץ יערו מספר יהיו ונער יכתבם׃