פסוקים על Travellers

¶ וירא אליו יהוה באלני ממרא והוא ישב פתח האהל כחם היום׃

וישא עיניו וירא והנה שלשה אנשים נצבים עליו וירא וירץ לקראתם מפתח האהל וישתחו ארצה׃

ויאמר אדני אם נא מצאתי חן בעיניך אל נא תעבר מעל עבדך׃

יקח נא מעט מים ורחצו רגליכם והשענו תחת העץ׃

ואקחה פת לחם וסעדו לבכם אחר תעברו כי על כן עברתם על עבדכם ויאמרו כן תעשה כאשר דברת׃

וימהר אברהם האהלה אל שרה ויאמר מהרי שלש סאים קמח סלת לושי ועשי עגות׃

ואל הבקר רץ אברהם ויקח בן בקר רך וטוב ויתן אל הנער וימהר לעשות אתו׃

ויקח חמאה וחלב ובן הבקר אשר עשה ויתן לפניהם והוא עמד עליהם תחת העץ ויאכלו׃

ויאמר הנה נא אדני סורו נא אל בית עבדכם ולינו ורחצו רגליכם והשכמתם והלכתם לדרככם ויאמרו לא כי ברחוב נלין׃

ויצא אלהם לוט הפתחה והדלת סגר אחריו׃

ויאמר אל נא אחי תרעו׃

הנה נא לי שתי בנות אשר לא ידעו איש אוציאה נא אתהן אליכם ועשו להן כטוב בעיניכם רק לאנשים האל אל תעשו דבר כי על כן באו בצל קרתי׃

וישכם אברהם בבקר ויקח לחם וחמת מים ויתן אל הגר שם על שכמה ואת הילד וישלחה ותלך ותתע במדבר באר שבע׃

ויכלו המים מן החמת ותשלך את הילד תחת אחד השיחם׃

וישכם אברהם בבקר ויחבש את חמרו ויקח את שני נעריו אתו ואת יצחק בנו ויבקע עצי עלה ויקם וילך אל המקום אשר אמר לו האלהים׃

ויברך הגמלים מחוץ לעיר אל באר המים לעת ערב לעת צאת השאבת׃

ותאמר שתה אדני ותמהר ותרד כדה על ידה ותשקהו׃

ותכל להשקתו ותאמר גם לגמליך אשאב עד אם כלו לשתת׃

ותאמר אליו בת בתואל אנכי בן מלכה אשר ילדה לנחור׃

ויבא האיש הביתה ויפתח הגמלים ויתן תבן ומספוא לגמלים ומים לרחץ רגליו ורגלי האנשים אשר אתו׃

ויישם לפניו לאכל ויאמר לא אכל עד אם דברתי דברי ויאמר דבר׃

ותשא רבקה את עיניה ותרא את יצחק ותפל מעל הגמל׃

ויצא יעקב מבאר שבע וילך חרנה׃

ויקח את אחיו עמו וירדף אחריו דרך שבעת ימים וידבק אתו בהר הגלעד׃

למה נחבאת לברח ותגנב אתי ולא הגדת לי ואשלחך בשמחה ובשרים בתף ובכנור׃