פסוקים על The Punishment of the Wicked

וירם אלהים חץ פתאום היו מכותם׃

כי קנאתי בהוללים שלום רשעים אראה׃

כי אין חרצבות למותם ובריא אולם׃

בעמל אנוש אינמו ועם אדם לא ינגעו׃

לכן ענקתמו גאוה יעטף שית חמס למו׃

יצא מחלב עינמו עברו משכיות לבב׃

ימיקו וידברו ברע עשק ממרום ידברו׃

שתו בשמים פיהם ולשונם תהלך בארץ׃

לכן ישיב עמו הלם ומי מלא ימצו למו׃

ואמרו איכה ידע אל ויש דעה בעליון׃

הנה אלה רשעים ושלוי עולם השגו חיל׃

אך ריק זכיתי לבבי וארחץ בנקיון כפי׃

ואהי נגוע כל היום ותוכחתי לבקרים׃

אם אמרתי אספרה כמו הנה דור בניך בגדתי׃

ואחשבה לדעת זאת עמל היא בעיני׃

עד אבוא אל מקדשי אל אבינה לאחריתם׃

אך בחלקות תשית למו הפלתם למשואות׃

איך היו לשמה כרגע ספו תמו מן בלהות׃

יפלס נתיב לאפו לא חשך ממות נפשם וחיתם לדבר הסגיר׃

רק בעיניך תביט ושלמת רשעים תראה׃

בפרח רשעים כמו עשב ויציצו כל פעלי און להשמדם עדי עד׃

וישב עליהם את אונם וברעתם יצמיתם יצמיתם יהוה אלהינו׃

ארץ פרי למלחה מרעת ישבי בה׃

יד ליד לא ינקה רע וזרע צדיקים נמלט׃

הן צדיק בארץ ישלם אף כי רשע וחוטא׃