פסוקים על The Amalekites: Condemned for not utterly destroying

19 פסוקים · 31 היבטים

פסוקים על Condemned for not utterly destroying

  1. 1 שְׁמוּאֵל ט״ו:ט׳

    ויחמל שאול והעם על אגג ועל מיטב הצאן והבקר והמשנים ועל הכרים ועל כל הטוב ולא אבו החרימם וכל המלאכה נמבזה ונמס אתה החרימו׃

  2. 1 שְׁמוּאֵל ט״ו:י׳

    ויהי דבר יהוה אל שמואל לאמר׃

  3. 1 שְׁמוּאֵל ט״ו:י״א

    נחמתי כי המלכתי את שאול למלך כי שב מאחרי ואת דברי לא הקים ויחר לשמואל ויזעק אל יהוה כל הלילה׃

  4. 1 שְׁמוּאֵל ט״ו:י״ב

    וישכם שמואל לקראת שאול בבקר ויגד לשמואל לאמר בא שאול הכרמלה והנה מציב לו יד ויסב ויעבר וירד הגלגל׃

  5. 1 שְׁמוּאֵל ט״ו:י״ג

    ויבא שמואל אל שאול ויאמר לו שאול ברוך אתה ליהוה הקימתי את דבר יהוה׃

  6. 1 שְׁמוּאֵל ט״ו:י״ד

    ויאמר שמואל ומה קול הצאן הזה באזני וקול הבקר אשר אנכי שמע׃

  7. 1 שְׁמוּאֵל ט״ו:ט״ו

    ויאמר שאול מעמלקי הביאום אשר חמל העם על מיטב הצאן והבקר למען זבח ליהוה אלהיך ואת היותר החרמנו׃

  8. 1 שְׁמוּאֵל ט״ו:ט״ז

    ויאמר שמואל אל שאול הרף ואגידה לך את אשר דבר יהוה אלי הלילה ויאמרו לו דבר׃

  9. 1 שְׁמוּאֵל ט״ו:י״ז

    ויאמר שמואל הלוא אם קטן אתה בעיניך ראש שבטי ישראל אתה וימשחך יהוה למלך על ישראל׃

  10. 1 שְׁמוּאֵל ט״ו:י״ח

    וישלחך יהוה בדרך ויאמר לך והחרמתה את החטאים את עמלק ונלחמת בו עד כלותם אתם׃

  11. 1 שְׁמוּאֵל ט״ו:י״ט

    ולמה לא שמעת בקול יהוה ותעט אל השלל ותעש הרע בעיני יהוה׃

  12. 1 שְׁמוּאֵל ט״ו:כ׳

    ויאמר שאול אל שמואל אשר שמעתי בקול יהוה ואלך בדרך אשר שלחני יהוה ואביא את אגג מלך עמלק ואת עמלק החרמתי׃

  13. 1 שְׁמוּאֵל ט״ו:כ״א

    ויקח העם מהשלל צאן ובקר ראשית החרם לזבח ליהוה אלהיך בגלגל׃

  14. 1 שְׁמוּאֵל ט״ו:כ״ב

    ויאמר שמואל החפץ ליהוה בעלות וזבחים כשמע בקול יהוה הנה שמע מזבח טוב להקשיב מחלב אילים׃

  15. 1 שְׁמוּאֵל ט״ו:כ״ג

    כי חטאת קסם מרי ואון ותרפים הפצר יען מאסת את דבר יהוה וימאסך ממלך׃

  16. 1 שְׁמוּאֵל ט״ו:כ״ד

    ויאמר שאול אל שמואל חטאתי כי עברתי את פי יהוה ואת דבריך כי יראתי את העם ואשמע בקולם׃

  17. 1 שְׁמוּאֵל ט״ו:כ״ה

    ועתה שא נא את חטאתי ושוב עמי ואשתחוה ליהוה׃

  18. 1 שְׁמוּאֵל ט״ו:כ״ו

    ויאמר שמואל אל שאול לא אשוב עמך כי מאסתה את דבר יהוה וימאסך יהוה מהיות מלך על ישראל׃

  19. 1 שְׁמוּאֵל כ״ח:י״ח

    כאשר לא שמעת בקול יהוה ולא עשית חרון אפו בעמלק על כן הדבר הזה עשה לך יהוה היום הזה׃