פסוקים על The Amalekites: Pursued and slain by David

11 פסוקים · 31 היבטים

פסוקים על Pursued and slain by David

  1. 1 שְׁמוּאֵל ל׳:י׳

    וירדף דוד הוא וארבע מאות איש ויעמדו מאתים איש אשר פגרו מעבר את נחל הבשור׃

  2. 1 שְׁמוּאֵל ל׳:י״א

    וימצאו איש מצרי בשדה ויקחו אתו אל דוד ויתנו לו לחם ויאכל וישקהו מים׃

  3. 1 שְׁמוּאֵל ל׳:י״ב

    ויתנו לו פלח דבלה ושני צמקים ויאכל ותשב רוחו אליו כי לא אכל לחם ולא שתה מים שלשה ימים ושלשה לילות׃

  4. 1 שְׁמוּאֵל ל׳:י״ג

    ויאמר לו דוד למי אתה ואי מזה אתה ויאמר נער מצרי אנכי עבד לאיש עמלקי ויעזבני אדני כי חליתי היום שלשה׃

  5. 1 שְׁמוּאֵל ל׳:י״ד

    אנחנו פשטנו נגב הכרתי ועל אשר ליהודה ועל נגב כלב ואת צקלג שרפנו באש׃

  6. 1 שְׁמוּאֵל ל׳:ט״ו

    ויאמר אליו דוד התורדני אל הגדוד הזה ויאמר השבעה לי באלהים אם תמיתני ואם תסגרני ביד אדני ואורדך אל הגדוד הזה׃

  7. 1 שְׁמוּאֵל ל׳:ט״ז

    וירדהו והנה נטשים על פני כל הארץ אכלים ושתים וחגגים בכל השלל הגדול אשר לקחו מארץ פלשתים ומארץ יהודה׃

  8. 1 שְׁמוּאֵל ל׳:י״ז

    ויכם דוד מהנשף ועד הערב למחרתם ולא נמלט מהם איש כי אם ארבע מאות איש נער אשר רכבו על הגמלים וינסו׃

  9. 1 שְׁמוּאֵל ל׳:י״ח

    ויצל דוד את כל אשר לקחו עמלק ואת שתי נשיו הציל דוד׃

  10. 1 שְׁמוּאֵל ל׳:י״ט

    ולא נעדר להם מן הקטן ועד הגדול ועד בנים ובנות ומשלל ועד כל אשר לקחו להם הכל השיב דוד׃

  11. 1 שְׁמוּאֵל ל׳:כ׳

    ויקח דוד את כל הצאן והבקר נהגו לפני המקנה ההוא ויאמרו זה שלל דוד׃