פסוקים על The Afflictions of the Wicked

ויתנהו יהוה אלהיו ביד מלך ארם ויכו בו וישבו ממנו שביה גדולה ויביאו דרמשק וגם ביד מלך ישראל נתן ויך בו מכה גדולה׃

ויהרג פקח בן רמליהו ביהודה מאה ועשרים אלף ביום אחד הכל בני חיל בעזבם את יהוה אלהי אבותם׃

ויהרג זכרי גבור אפרים את מעשיהו בן המלך ואת עזריקם נגיד הבית ואת אלקנה משנה המלך׃

וישבו בני ישראל מאחיהם מאתים אלף נשים בנים ובנות וגם שלל רב בזזו מהם ויביאו את השלל לשמרון׃

ובעת הצר לו ויוסף למעול ביהוה הוא המלך אחז׃

וכנוח להם ישובו לעשות רע לפניך ותעזבם ביד איביהם וירדו בהם וישובו ויזעקוך ואתה משמים תשמע ותצילם כרחמיך רבות עתים׃

ותעד בהם להשיבם אל תורתך והמה הזידו ולא שמעו למצותיך ובמשפטיך חטאו בם אשר יעשה אדם וחיה בהם ויתנו כתף סוררת וערפם הקשו ולא שמעו׃

כל ימי רשע הוא מתחולל ומספר שנים נצפנו לעריץ׃

יבעתהו צר ומצוקה תתקפהו כמלך עתיד לכידור׃

אם תמתיק בפיו רעה יכחידנה תחת לשונו׃

יחמל עליה ולא יעזבנה וימנענה בתוך חכו׃

לחמו במעיו נהפך מרורת פתנים בקרבו׃

חיל בלע ויקאנו מבטנו יורשנו אל׃

ראש פתנים יינק תהרגהו לשון אפעה׃

אל ירא בפלגות נהרי נחלי דבש וחמאה׃

משיב יגע ולא יבלע כחיל תמורתו ולא יעלס׃

כמה נר רשעים ידעך ויבא עלימו אידם חבלים יחלק באפו׃

רבים מכאובים לרשע והבוטח ביהוה חסד יסובבנו׃

אדני ישחק לו כי ראה כי יבא יומו׃

ישמע אל ויענם וישב קדם סלה אשר אין חליפות למו ולא יראו אלהים׃

וירם אלהים חץ פתאום היו מכותם׃

ויכשילוהו עלימו לשונם יתנדדו כל ראה בם׃

וייראו כל אדם ויגידו פעל אלהים ומעשהו השכילו׃

לכן ישיב עמו הלם ומי מלא ימצו למו׃

איך היו לשמה כרגע ספו תמו מן בלהות׃